बदलापूर मधील कडक लॉकडाऊन सोमवारी होणार रद्द?
बदलापूर : कोरोनाच्या वाढीमुळे बदलापुरात कडक लाॅकडाऊन लावण्यात आला होता. या लाॅकडाऊनला मोठ्या प्रमाणावर विरोध झाल्याने अखेर हा आदेश मागे घेऊन शासनाच्या आदेशानुसार निर्बंध लागून करण्याचा निर्णय घेण्यात आला आहे. याबाबत ठाणे जिल्ह्याचे पालकमंत्री एकनाथ शिंदे यांनी जिल्हाधिकाऱ्यांना सूचना दिल्या आहेत, अशी माहिती बदलापूर शिवसेना शहर प्रमुख वामन म्हात्रे यांनी दिली आहे. Badlapur Lock Down may be relaxed from Monday
बदलापुरात ८ मे पासून १५ मे पर्यंत लावण्यात आलेल्या कडक लॉकडाऊन बाबत बदलापूर शहरात तीव्र नाराजी होती. या लॉकडाऊनचा शिवसेने सुद्धा विरोध केला होता. आज बदलापूर चे शिवसेना शहर प्रमुख वामन म्हात्रे यांनी पालकमंत्री एकनाथ शिंदे यांची भेट घेऊन बदलापूर मधील कडक लॉकडाऊन कल्पना दिली.
हे देखिल पहा -
तेव्हा पालकमंत्री एकनाथ शिंदे यांनी जिल्हाधिकारी राजेश नार्वेकर यांना आदेश देऊन महाराष्ट्र शासनच्या पूर्वी च्या आदेशानुसार बदलापुर मध्ये लॉकडाऊन ठेवण्याचे आदेश दिले.याबाबत जिल्हाधिकारी नार्वेकर यांनी कडक लॉकडाऊन रद्द करण्याबाबत सोमवारी अकरा वाजेपर्यंत आदेश काढणार असल्याचे पालकमंत्री एकनाथ शिंदे यांना म्हटले आहे.
दुसरीकडे कल्याण ग्रामीण मध्ये कडक लॉकडाऊन लागू करण्यात येणार आहे. जिल्हाधिकारी राजेश नार्वेकर यांनी याबाबतचे आदेश दिले आहेत. त्यानुसार सोमवारी १० तारखेला सकाळी ७ वाजल्यापासून शुक्रवार १५ मे रोजी सकाळी ७ वाजेपर्यंत हा लाॅकडाऊन असणार आहे. Badlapur Lock Down may be relaxed from Monday
या कालावधीत फक्त दवाखाने आणि मेडिकल दुकाने सुरू राहणार असून किराणा, भाजीपाला, फळे, दूध डेअरी, बेकरी, मिठाई आणि अन्न पदार्थांची विक्री करणाऱ्यांना फक्त घरपोच सेवा देण्यास परवानगी देण्यात येणार आहे.
Edited By - Amit Golwalkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.