सोनिया गांधी,मनमोहन सिंग यांनी घेतली चिदंबरम यांची भेट 

सोनिया गांधी,मनमोहन सिंग यांनी घेतली चिदंबरम यांची भेट 

सोनिया गांधी आणि डॉ. मनमोहन सिंग यांनी चिदंबरम यांची तिहार तुरुंगात भेट घेतली, तेव्हा त्यांच्यासोबत चिदंबरम यांचे पुत्र, लोकसभेचे खासदार कार्ती चिदंबरमही होते. सोनिया गांधी आणि मनमोहन सिंग यांनी भेटून व्यक्त केलेल्या समर्थनाबद्दल कार्ती चिदंबरम यांनी त्यांचे पिता आणि कुटुंबातर्फे आभार मानले. पाच दिवसांपूर्वी, राज्यसभेतील विरोधी पक्षनेते गुलाम नबी आझाद आणि सोनिया गांधी यांचे माजी राजकीय सचिव अहमद पटेल यांनीही चिदंबरम यांची तिहार तुरुंगात जाऊन भेट घेतली होती. चिदंबरम यांच्यासोबत अर्धा तास झालेल्या भेटीत सोनिया गांधी आणि मनमोहन सिंग यांनी काश्मीर, आगामी विधानसभा निवडणुका, देशाची अर्थव्यवस्था आणि विद्यमान राजकीय परिस्थितीवर चर्चा केल्याचे सांगण्यात आले. 'आपल्याला सोन्याचे पंख लागले असून आपण उडून देशाबाहेर जाऊ, असे सीबीआयला वाटत आहे,' असा टोला चिदंबरम यांनी 'ट्विटर'वर लगावला आहे.

माजी केंद्रीय अर्थमंत्री पी. चिदंबरम यांना निव्वळ राजकीय सूडबुद्धीने तुरुंगात ठेवण्यात आले असल्याचे दाखवण्यासाठी सोमवारी काँग्रेस अध्यक्ष सोनिया गांधी आणि माजी पंतप्रधान डॉ. मनमोहन सिंग यांनी तिहार तुरुंगात जाऊन चिदंबरम यांची भेट घेतली. 'आयएनएक्स' मीडिया प्रकरणात चिदंबरम २१ ऑगस्टपासून अटकेत आहेत.

अर्थमंत्री असताना चिदंबरम यांनी लाच स्वीकारून २००७ मध्ये आयएनएक्स मीडियाला ३०५ कोटींची परकीय गुंतवणूक स्वीकारण्यासाठी विदेशी गुंतवणूक प्रोत्साहन मंडळातर्फे मंजुरी मिळवून दिली होती, असा आरोप त्यांच्यावर ठेवण्यात आला आहे. यासाठी ते सीबीआय आणि सक्तवसुली संचालनालयाच्या चौकशीला सामोरे जात आहेत. चिदंबरम गेल्या ५ सप्टेंबरपासून तिहार तुरुंगात असून न्यायालयाने त्यांच्या न्यायालयीन कोठडीत ३ ऑक्टोबरपर्यंत वाढ केली आहे.

 
Web Title chidambaram meets sonia manmohan

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com