पाकिस्तानात दोन रेल्वेच्या अपघातात 30 जणांचा मृत्यू (पहा व्हिडिओ)

पाकिस्तानात दोन रेल्वेच्या अपघातात 30 जणांचा मृत्यू (पहा व्हिडिओ)
pakistaan train Accident.jpg

वृत्तसंस्था : पाकिस्तानातील Pakistan सिंध प्रांतातील Sindh Prant  धारकी Dharaki शहराजवळ दोन एक्सप्रेसची धडक झाल्यामुळे मोठा अपघात Accident  झाला आहे. आज (7 जून) पहाटेच्या सुमारास हा अपघात झाल्याची माहिती समोर आली आहे. मिल्लत एक्सप्रेस Millat Express आणि  सर सय्यद  एक्सप्रेसची Sir Syed Express  धडक झाल्यामुळे मिलत एक्स्प्रेसच्या आठ आणि सर सय्यद एक्स्प्रेसचे चार डबे रुळावरून घसरले. मिल्लत एक्स्प्रेस कराचीहून सरगोधा व सय्यद एक्सप्रेस रावळपिंडीहून कराचीकडे जात असताना धारकी शहाराजवळ हा अपघात झाला.  (At least 30  people have been killed in two train accidents in Pakistan) 

स्थानिक अधिकारी रझाक मिन्हास यांनी माध्यमांना दिलेल्या माहितीनुसार, सिंध प्रांतातील घोटाकी जिल्ह्यातील धारकी शहाराजवळ हा अपघात झाला. अपघातामुळे दोन्ही गाड्यांचे 13 ते 14 डबे रुळावरून घसरले आहेत. या अपघातात 32 प्रवासी ठार झाल्याची तर 50 हून अधिक प्रवासी गंभीर जखमी झाले असून हा आकडा वाढण्याची शक्यता आहे. तर  या अपघातात झालेल्या जखमींपैकी अनेकांची प्रकृती चिंताजनक आहे. अपघातानंतर  घोटाकी, धारकी, ओबेरो आणि मीरपूर मॅथेलो या रुग्णालयांमध्ये आपत्कालीन स्थिती घोषित करून सर्व डॉक्टर आणि पॅरामेडिकल कर्मचार्‍यांना कर्तव्यावर बोलवण्यात आले आहे. तर घटनास्थळीदेखील  बचाव पथके आणि मेडिकल कॅम्प तैनात करण्यात आले आहेत. 

तर बचवकार्य चालू असून दोन्ही गाड्यांमध्ये अद्यापही अनेक प्रवासी अडकले आहेत. तर अपघातामुळे बंद झालेले रस्ते पुन्हा सुरळीत करण्यासाठी निमलष्करी दल आणि उपकरणे दाखल झाले आहेत.  याबाबत पाकिस्तानचे पंतप्रधान इम्रान खान यांनी चिंता व्यक्त केली आहे. पाकिस्तानचे रेल्वेमंत्री आझम स्वाती यांना त्यांनी तातडीने घटनास्थळी जाण्याचे आदेश दिले आहेत. तसेच घटनेच्या  सर्वंकष  चौकशीचे आदेशही दिले आहेत. त्याचबरोबर आपघतातील जखमीना मदत देण्यासह सांगण्यात आले आहे. 

Edited By- Anuradha Dhawade 

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com