एसटी कर्मचाऱ्यांच्या वेतनात कपात...

एसटी कर्मचाऱ्यांच्या वेतनात कपात...
ST Bus

मुंबई : राज्य परिवहन महामंडळाच्या पाच विभागातील कर्मचाऱ्यांच्या वेतनात अचानक कपात करण्यात आली. आर्थिक अडचणींमुळे कपात केलेले वेतन काहीच दिवसात मिळणार असल्याची नोटीस विभागातील सूचना फलकांवर लावण्यात आली आहे.

त्यामुळे एसटी कर्मचाऱ्यांना प्रथमच नियमित वेतनापासून वंचित राहण्याची वेळ आली आहे. 

राज्यातील एसटी कर्मचाऱ्यांच्या वेतनाच्या तुलनेत सिंधूदुर्ग विभाग 70 टक्के, त्याप्रमाणेच ठाणे 60 टक्के, सातारा 80 टक्के, अकोला 70 टक्के, रत्नागिरी 80 टक्केच वेतन एसटी कर्मचाऱ्यांना देण्यात आले आहे. त्यातच उस्मानाबाद, गडचिरोली, नांदेड, नाशिक विभागातील प्रत्येक एक बस डेपोतील कर्मचाऱ्यांच्या वेतनातही कपात झाली आहे. 

महामंडळाचा 500 कोटीचा संचित तोटा 5000 कोटींवर पोहचला आहे. गेल्या चार वर्षांत एसटीची एकही नवी एसटी रस्त्यावर आली नसून, शिवशाही प्रकल्पसुद्धा तोट्यात आहे. प्रवाशांना सुद्धा खिळखिळ्या एसटीचा प्रवास नकोसा वाटायला लागल्याने, एसटी प्रवाशांमध्ये घट झाली आहे. यामुळे एसटीच्या तिजोरीत खडखडाट दिसून येत आहे. त्यात वेतन कपातीमुळे महामंडळ कर्मचाऱ्यांकडून संताप व्यक्त करण्यात येत आहे. 

एसटीच्या विलीनीकरणाची चर्चा 
महामंडळात पहिल्यांदात वेतनात कपात झाली आहे. नियोजनशुन्य कारभारामुळे एसटी महामंडळ तोट्यात गेले आहे. गेल्या चार वर्षात लालपरीची खरेदीच झालेली नाही. नफ्या तोट्याचा विचार न करता सरकारने एस टी महामंडळाचे विलीनीकरण शासनामध्ये करून सार्वजनिक वाहतूक बळकट करणे आवश्‍यक आहे. 

Web Title : ST Workers Salary Will  Deducte

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com