उद्या मेगाब्लॉक,प्रवाशांचे हाल

उद्या मेगाब्लॉक,प्रवाशांचे हाल

मुंबई : मध्य, पश्चिम आणि हार्बर मार्गावर रविवारी मेगाब्लॉक घेण्यात येईल. परिणामी, रविवारी लोकल फेऱ्या कमी चालविण्यात येतील. त्यामुळे प्रवाशांचे सुट्टीच्या दिवशीही हाल होणार आहेत.

सकाळी १०.१६ ते दुपारी ३.२२ पर्यंत सीएसएमटीहून कल्याणकडे जाणाऱ्या जलद मार्गावरील लोकल संबंधित थांब्यासह घाटकोपर, विक्रोळी, भांडुप, मुलुंड, दिवा या स्थानकांवरही थांबतील.  मध्य रेल्वे मार्गावरील कल्याण ते ठाणे यादरम्यान सीएसएमटी दिशेकडे जाणाऱ्या जलद मार्गावर रविवारी सकाळी ११.२० ते दुपारी ३.५० वाजेपर्यंत ब्लॉक असेल. या कालावधीत कल्याणहून सीएसएमटी दिशेकडे जाणाºया लोकल कल्याण ते ठाणेदरम्यान धिम्या मार्गावर चालविण्यात येतील.

हार्बर मार्गावरील कुर्ला आणि वाशीदरम्यान दोन्ही दिशेकडे सकाळी ११.१० ते ३.४० पर्यंत एकही लोकल धावणार नाही. सकाळी १०.३४ ते दुपारी ३.०८ वाजेपर्यंत सीएसएमटीहून वाशी/ बेलापूर/ पनवेलकडे व सकाळी १०.२१ ते दुपारी ३ वाजेपर्यंत पनवेल / बेलापूर / वाशीहून सीएसएमटीकडे लोकल धावणार नाही. ब्लॉकदरम्यान सीएसएमटी ते पनवेल-वाशी, कुर्लादरम्यान विशेष लोकल चालविण्यात येतील.

बोरीवली ते भाईंदर जम्बोब्लॉक

पश्चिम रेल्वे मार्गावरील बोरीवली ते भाईंदर या स्थानकांदरम्यान जम्बोब्लॉक घेण्यात येईल. त्यानुसार रविवारी सकाळी ११ ते दुपारी ३ वाजेपर्यंत बोरीवली ते भाईंदर यादरम्यान दोन्ही दिशेकडील जलद मार्गावर ब्लॉक घेण्यात येईल. ब्लॉकदरम्यान दोन्ही दिशेकडील जलद मार्गावरील लोकल विरार  वसई रोड ते बोरीवलीपर्यंत धिम्या मार्गावरून चालविण्यात येतील.

Web Title: Mumbai Train Update Mega block to affect train services on Central, Harbour and Western lines
 

 
 

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com