दिल्लीत विक्रमी थंडी

दिल्लीत विक्रमी थंडी

देशभरात नववर्षाच्या स्वागतासाठी जय्यत तयारी सुरू असताना उत्तर भारत थंडीच्या कडाक्याने गारठला असून, राजधानी दिल्लीसाठी तर शनिवारचा दिवस विक्रमी थंडीचा ठरला. दिल्लीत सकाळी सहा वाजता २.४ अंश सेल्सियस तापमान नोंदविण्यात आले, तर शहरातीलच लोधी रोड येथे पारा १.७ अंश सेल्सिअसपर्यंत घसरला. दिल्लीतील यंदाचा हिवाळा हा सन १९०१नंतरचा दुसऱ्या क्रमांकाचा गारठवणारा हिवाळा ठरला आहे. आणखी किमान दोन दिवस राजधानी आणि आसपासच्या शहरांना कडाक्याच्या थंडीला सामोरे जावे लागणार आहे.


दिल्लीतील यंदाचा हिवाळा हा २२ वर्षांतील सर्वात प्रदीर्घ हिवाळा ठरला आहे. गेल्या १४ दिवसांपासून दिल्लीत तापमान १० अंश सेल्सियसच्या खाली घसरले आहे. जम्मू-काश्मीर या केंद्रशासित प्रदेशासह उत्तर प्रदेश, हरयाणा, पंजाब, राजस्थान, बिहार, मध्य प्रदेश, उत्तराखंड, लडाख, हिमाचल प्रदेश, झारखंड या राज्यांमध्ये कडाक्याच्या थंडीची लाट आली आहे. राजस्थानच्या पाच शहरांमध्ये पारा पाच अंश सेल्सियसच्या खाली घसरला.
हे.

दिल्लीत पारा १.७ अंशांपर्यंत घसरला असून, धुक्यात वाढ होऊन दृश्यमानतेवर परिणाम झाल्यामुळे विमानसेवाही विस्कळीत झाली होती. गारठवणाऱ्या थंडीमुळे श्रीनगरमधील प्रसिद्ध दल सरोवर गोठू लागले आहे. पाण्यावर जमलेला बर्फ फोडून बोटींना मार्ग काढावा लागत आहे.

Web Title :  The record cold in Delhi


 
No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com