#Ayodhya | राम मंदिरासाठी शिवसेना फाडणार 1 कोटींची पावती
uddhav ghoshna on ram mandir

#Ayodhya | राम मंदिरासाठी शिवसेना फाडणार 1 कोटींची पावती

उत्तर प्रदेश - अयोध्येतील राम मंदिर उभारण्यासाठी शिवसेनेतर्फे एक कोटी रुपयांची निधी देण्याची घोषणा मुख्यमंत्री उद्धव ठाकरे यांनी आज अयोध्यत केली.


मुख्यमंत्री उद्धव ठाकरे आज अयोध्या दौऱ्यावर आहेत. या वेळी ते पत्रकारांशी बोलताना मुख्यमंत्री ठाकरे म्हणाले, की शिवसेनेतर्फे राम मंदिराच्या उभारणीसाठी एक कोटी रुपयांचा निधी देण्यात येईल. राम मंदिराच्या उभारणीसाठी महाराष्ट्रातून मोठ्या प्रमाणावर रामभक्त येणार आहेत.  त्यांना राहण्यासाठी उत्तर प्रदेशचे मुख्यमंत्री योगी आदित्यनाथ यांनी जागा द्यावी. या जागेवर महाराष्ट्र भवन उभारू. राम मंदिर सर्वांसाठी आहे. हे मंदिर पाहण्यासाठी जगभरातून रामभक्त येतील, असेही त्यांनी नमूद केले. 

मुख्यमंत्री उद्धव ठाकरे अयोध्येत दाखल झाले. त्यांच्यासोबत पर्यावरण मंत्री आदित्य ठाकरे आणि पत्नी रश्मी ठाकरेसुद्धा उपस्थित होत्या. अयोध्येत दाखल होताच उद्धव ठाकरेंचं शिवसैनिकांकडून जोरदार स्वागत करण्यात आलं. शिवसेनेचे अनेक नेतेही अयोध्येत दाखल झाले. शिवसेनेच्या नेत्यांसोबत काँग्रेस नेते सुनील केदारही अयोध्येत आल्याचं पाहायला मिळालं. 

ज्या शिवसैनिकांनी 1993 मध्ये कारसेवा करत वादग्रस्त बाबरी मशिदी तोडली होती, त्यातील काही शिवसैनिकही मुख्यमंत्री उद्धव ठाकरेंच्या स्वागतासाठी अयोध्येत दाखल झाले होते. यावेळी दाखल झालेल्या शिवसैनिकांनी जय श्री रामच्या घोषणांनी संपूर्ण परिसर दणाणून गेला होता.

पाहा व्हिडीओ - 

shivsena will give 1 cr to ram mandir temple uddhav bjp up

yogi ayodhya india politics 

Related Stories

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com