भारत बायोटेक आणि डब्ल्यूएचओची 23 जूनला प्रि-सबमिशन बैठक होणार

गेल्या महिन्यात, भारत बायोटेकने डब्ल्यूएचओच्या आपातकालीन लस वापरासाठी (ईयूएल) आवश्यक असणारी 90 टक्के कागदपत्रे आधीच सादर केल्याची माहिती दिली होती.
भारत बायोटेक
भारत बायोटेकTwitter/@ANI

वृत्तसंस्था : जागतिक आरोग्य संघटनेकडून World Health Organization हैदराबाद स्थित भारत बायोटेकच्या Bharat Biotech कोव्हॅक्सीन Covaxin लसीला आपतकालीन वापरास मंजूरी मिळावी, यासाठी येत्या २३ जून रोजी भारत बायोटेकची प्रि-सबमिशन बैठक आयोजित करण्यात आली आहे. जागतिक आरोग्य संघटनेच्या आपातकालीन लस वापराच्या लसीच्या यादीत कोव्हॅक्सीन लसीचा समावेश करण्यासाठी लसीच्या मुल्यांकनासाठी ही बैठक होणार असल्याचे सांगण्यात येत आहे. (Bharat Biotech and WHO will hold a pre-submission meeting on June 23)

दरम्यान, गेल्या महिन्यात, भारत बायोटेकने डब्ल्यूएचओच्या आपातकालीन लस वापरासाठी (ईयूएल) आवश्यक असणारी 90 टक्के कागदपत्रे आधीच सादर केल्याची माहिती दिली होती. उर्वरित कागदपत्रे या महिन्यात सादर करायची आहेत. कोविड-१९ लसीसाठी डब्ल्यूएचओची मान्यता मिळवण्यासाठी परराष्ट्र मंत्रालय भारत बायोटेकबरोबर समन्वय साधत आहे. त्याचबरोबर कोरोना महामारीचा संसर्ग देशभरात पसरल्यानंतर भारतात सध्या उपलब्ध लसींपैकी भारत बायोटेकची कोव्हॅक्सीन लस भारतातील नागरिकांना देण्यात येत आहे.

भारत बायोटेक
प्रदीप शर्मांना लवकरच अटक होणार? मनसुख प्रकरणात महत्त्वाचे पुरावे हस्तगत

देशात १६ जानेवारी २०२१ पासून जगातील सर्वात मोठी लसीकरण मोहीम सुरू करण्यात आली. यात पहिल्या टप्प्यात आघाडीवर काम करणारे म्हणजेच डॉक्टर्स, नर्स, स्वच्छता कर्मचारी, पोलीस, आदिंना सर्वात पाहिल्यांदा लसीकरण करण्यात आले. त्यानंतर, 1 मार्चपासून 60 वर्षे वयोगटातील आणि त्यापेक्षा जास्त वयाच्या लोकांसाठी लसीकरण सुरू करण्यात आले. तर, १ एप्रिलपासून ४५वर्षे आणि त्यापेक्षा जास्त वयोगटातील नागरिकांचे लसीकरण सुरू करण्यात आले. तर १ मे पासून १८-४४ वर्षे वयोगटातील नागरिकांच्या लसीकरणाला सुरूवात झाली.

Edited By- Anurdha Dhawade

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com