मुंबई पालिका जाणार संपावर

मुंबई पालिका जाणार संपावर

कामगार संघटना आज, बुधवारी आझाद मैदानात शक्तिप्रदर्शन करणार आहेत. या आंदोलनात कोणत्याही क्षणी संप पुकारला जाईल, अशी माहिती समन्वय समितीचे निमंत्रक अॅड. सुखदेव काशीद यांनी दिली. सातव्या वेतन आयोगाचा वेतनवाढीचा करार तातडीने करावा, बायोमेट्रिक हजेरीची पद्धत बंद करावी, गटविमा योजना लवकरात लवकर सुरू करावी यासह विविध प्रलंबित मागण्यांसाठी मुंबई महापालिकेतील कामगार संघटनांच्या पालिका आयुक्त प्रवीण परदेशी यांच्यासोबत झालेल्या मंगळवारच्या बैठकीतून कोणताही तोडगा निघाला नाही. 

सातव्या वेतन आयोगाच्या धर्तीवर वेतनवाढीसह सर्व भत्त्यांमध्ये सुधारणा करण्यासाठी वाटाघाटी समितीची स्थापना करून संपूर्ण करार लवकरच करण्यात यावा. तसेच वाढीव घरभाडे भत्त्याची थकबाकी १ जानेवारी २०१६पासून देण्यात यावी व कराराची थकबाकी गणपतीपूर्वी एकरकमी द्यावी. बायोमेट्रिक हजेरीतील त्रुटी अद्याप दूर झालेल्या नाहीत. ही सदोष बायोमेट्रिक पद्धत बंद करण्यात यावी, १ सप्टेंबर २०१९पासून कर्मचाऱ्यांची गटविमा योजना पूर्ववत करण्याचे मान्य केले आहे. मात्र ही योजना स्थगित केलेल्या दिनांकापासून म्हणजेच १ ऑगस्ट २०१७पासून ज्या कामगार-कर्मचाऱ्यांनी औषधोपचार किंवा शस्त्रक्रिया करून घेण्यासाठी जी रक्कम खर्च केली असेल ती देण्याचे मान्य केले होते. अद्यापपर्यंत ही रक्कम मिळालेली नाही. पालिकेच्या सेवेत ५ मे २००८ नंतर रुजू झालेल्या कर्मचाऱ्यांना पूर्वीच्या कर्मचाऱ्यांना मिळणारी पेन्शन योजना पूर्वलक्ष्यी प्रभावाने सुरू करावी. कंत्राटी कामगारांना पालिकेच्या सेवेत कायम करावे व यापुढे कायम कामगारांची असलेली कामे कंत्राटी पद्धतीने देण्यात येवू नयेत, यासह विविध मागण्या कामगार संघटनांनी केल्या आहेत. 

Web Title: bmc employees have warned of an agitation on august 28 at azad maidan

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com