मुंबई-पुणे एक्सप्रेस वेवर खंडाळा बोगद्याजवळ मुंबईच्या दिशेने जाणारा दुधाचा टँकर पलटी झाला.
चालकाचा गाडीवरील ताबा सुटल्याने टँकर पलटी होऊन जवळपास पन्नास फूट फरफटत गेला. या अपघातात एकाचा मृत्यू झाला आहे. तर टँकर पलटी झाल्याने मुंबई कडे जाणारी एक लेन बंद करण्यात आली होती. तर इकडे नवी मुंबईतल्या तळोजा लिंक रोडच्या सुरूवातीला आज पहाटे खासगी बसला अपघात झालाय. या अपघातात 15 प्रवासी जखमी झालेत..जखमींवर जवळच्या रुग्णालयात उपचार सुरू आहेत.. कोल्हापूरहून बदलापूरकडे जात असताना हा अपघात झालाय. रस्त्याच्या मधोमध असलेल्या अंडरपासच्या शेडला ही बस पहाटेच्या काळोखात जोरदार धडकली. तर धुळ्यात दुचाकीने बैलगाडीला दिलेल्या धडकेच दुचाकीस्वाराचा जागीच मृत्यू झालाय. शिंदखेडा तालुक्यातील ब्राह्मणे-धमाणे रस्त्यावर हा अपघात झालाय. भरधाव वेगाने जाणाऱ्या दुचाकीने समोरून पुढे चाललेल्या बैलगाडीला मागच्या बाजूने धडक दिली. या अपघातात दुचाकीस्वाराच्या डोक्याला जबर मार लागला. त्यातच त्याचा जागीच मृत्यू झालाय.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.