न्यूड फोटोशूट करून रणवीर सिंग अडचणीत, 'महिलांच्या भावना दुखावल्याचा' आरोप, तक्रार दाखल

न्यूड फोटोशूटमुळे 'महिलांच्या भावना दुखावल्याबद्दल' रणवीर सिंग विरोधात तक्रार दाखल करण्यात आली आहे.
Ranveer singh image
Ranveer singh image Saam Tv

मुंबई : बॉलिवूड अभिनेता रणवीर सिंगचे(Ranveer Singh) न्यूड फोटोशूट सोशल मीडियावर तुफान व्हायरल होत आहे. त्याच्या न्यूड फोटोशूटमुळे बॉलिवूड इंडस्ट्रीमध्ये प्रचंड चर्चा होतं आहे. अनेक सेलिब्रिटी रणवीरच्या न्यूड फोटोशूटवर आपल्या प्रतिक्रिया देत आहेत. त्याच्या व्हायरल फोटोंना त्याच्या चाहत्यांकडूनही भरपूर प्रतिसाद मिळाला आहे. रणवीरचा सोशल मीडियावर एक मिम फेस्ट देखील सुरू झाला आहे. परंतु रणवीर त्याच्या बोल्ड फोटोंमुळे सध्या कायदेशीर अडचणीत सापडला आहे.

Ranveer singh image
Darlings : 'डार्लिंग्ज'च्या ट्रेलर लाँचिंगमध्ये आलिया भट्ट दिसत होती 'अशी', इव्हेंटचा व्हिडिओ व्हायरल

अमेरिकन अभिनेता बर्ट रेनॉल्ड्सला(Burt Reynolds) श्रद्धांजली म्हणून रणवीरने त्याच्यासारखे एका मासिकासाठी फोटोशूट केले होते. पण या फोटोशूटमुळे 'महिलांच्या भावना दुखावल्याबद्दल' रणवीर सिंग विरोधात तक्रार दाखल करण्यात आली आहे. याप्रकरणी मुंबई पोलिसांत तक्रार दाखल करण्यात आली आहे. पण तक्रारीबाबत संपूर्ण माहिती अद्याप उघड झाली नाही.

Ranveer singh image
रणवीर सिंगच्या न्यूड फोटोशूटवर अभिनेत्री पहिल्यांदाच बोलली; मी त्याला अनेकदा कपड्यांविना...

रणवीरच्या न्यूड फोटोशूटचे फोटो समोर आल्यापासून रणवीर सिंग वादात सापडला आहे. हे फोटोशूट व्हायरल झाल्यानंतर त्यावरून राजकारणही सुरू झाले आहे. समाजवादी पक्षाचे महाराष्ट्र प्रमुख अबू आझमी यांनी ट्विट करून रणवीर सिंगच्या या फोटोशूटवर प्रश्नचिन्ह उपस्थित केले होते. त्यांच्या ट्विटमध्ये त्यांनी लिहिले की, सार्वजनिक ठिकाणी नग्न फोटो काढणे ही 'कला' आणि 'स्वातंत्र्य' आहे, मग हिजाब घालण्यावर 'दबाव' का? त्याचबरोबर अभिनेत्री मिमी चक्रवर्ती हिने रणवीरच्या फोटोंवर प्रतिक्रिया देत, हे फोटोशूट रणवीरऐवजी कोणत्या अभिनेत्रीने केले असते तर काय प्रतिक्रिया आली असती? असा प्रश्न उपस्थित केला आहे.

एका मासिकासाठी मुलाखत देताना रणवीर सिंग म्हणाला होता की, 'लोक माझ्या फॅशन आणि कपड्यांबद्दल काय विचार करतात याकडे मी लक्ष देत नाही.त्यांना जे आवडते तेच परिधान करतात, तेच अन्न खातात. त्याचप्रमाणे मी देखील मला जे आवडत तेच मी करतो. इतरांना याचा त्रास झाला तर त्याच्याशी मला काही फरक पडत नाही'.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com