Aai Kuthey Ky Karte Gauri Kulkarni Accident: ‘आई कुठे काय करते’ मालिकेमुळे गौरी कुलकर्णी महाराष्ट्राच्या घराघरात पोहोचली आहे. सध्या तिच्या चाहत्यांसाठी एक वाईट बातमी येत आहे, नुकताच एका इंग्रजी संकेतस्थळाने दिलेल्या वृत्तानुसार, दुचाकीवरुन प्रवास करत असताना तिचा अपघात झाला असल्याची माहिती मिळत आहे. तिच्या जवळच्या मैत्रिणीने एका इंग्रजी संकेतस्थळाला ही माहिती दिली आहे. अपघातात तिच्या पायाला दुखापत झाल्याची माहिती सध्या मिळत आहे.
गौरीच्या मैत्रिणीने सांगितले की, “गौरीचा अपघात झाला आहे. एका दुचाकीस्वाराने व्यवस्थित गाडी न चालवल्याने आमच्या दुचाकीचा अपघात झाला आहे. दुचाकीस्वार समोरुन येताच तो गौरीच्या गाडीच्या हँडलला ठोकला. गौरीची तब्येत सध्या व्यवस्थित असून तिच्या पायाला लागले आहे.”
अभिनेत्रीवर सध्या उपचार सुरू असून लवकरच गौरी घरी परतणार असल्याची माहिती तिच्या मैत्रीणीने दिली. मिळालेल्या माहितीनुसार, “ अपघातानंतर तिला किरकोळ जखमा झाल्या आहेत. गौरी आता अपघातातून बरी होत आहे. डॉक्टरांनी तिला जवळपास ३ आठवड्यांची विश्रांती घेण्याचा सल्ला दिला आहे. सध्या गौरीने सर्व शूटिंग्स आणि अनेक कार्यक्रम रद्द केले आहे. पायाला फ्रॅक्चर असल्याने डॉक्टरांनी काही काळासाठी बेड रेस्टचा सल्ला दिला आहे.”
गौरीच्या गाडीचे अपघातात नुकसान झाले असून सुदैवाने गौरी सुखरुप वाचली आहे. तिच्या पायाला डॉक्टरांनी फ्रेक्चर सांगितले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
