Aai Kuthe Kay Karte: लग्नाच्या पहिल्याच दिवशी अरुंधती नाश्त्याला काय बनवणार? आशुतोषची खास फर्माइश

Aai Kuthe Kay Karte Episode Update: 'आई कुठे काय करते' ही टीव्ही वरील लोकप्रिय मालिका आहे. या मालिकेत नुकताच एक मोठा ट्विस्ट पाहायला मिळाला. अखेर अनेक अडथळे पार करून अरुंधती आणि आशुतोष याचा विवाहसोहळा पार पडला. अरुंधती आणि आशुतोष यांच्या लग्नात पहिला दिवस कसा असेल हे आपल्याला येणार भागात पाहायला मिळणार आहे.

अरुंधती आणि आशुतोष यांच्या लग्नाला देशमुख कुटुंबातील अनिरुद्ध, अभिषेक आणि कांचन यांचा विरोध असतो. आशुतोष अरुंधतीच्या जीवनात आल्यापासूनच या तिघांचा त्याच्यावर राग होता. अरुंधतीवर मनापासून प्रेम करणाऱ्या आशुतोषला अखेर ती मिळाली. आता दोघांच्या नवीन आयुष्याची नवी सुरूवात होत आहे आणि प्रेमाचे क्षण पाहण्यासाठी प्रेक्षक उत्सुक आहेत.

अरुंधती म्हणजे मधुराणी प्रभुलकरने प्रेक्षकांची ही उत्सुकता आणखी वाढवली आहे. मधुराणी तिचं सोशल मीडियावर एक व्हिडिओ शेअर केला आहे. या व्हिडिओमध्ये लग्नानंतर दुसऱ्या दिवशी आशुतोष किचनमध्ये चहा बनवताना दिसत आहे. तर त्यावर अरुंधती त्याला देशमुखांच्या घरामध्ये काय होत हे सांगते.

अरुंधती म्हणते की, देशमुखांकडे नाश्त्याला चार पाच पदार्थ व्हायचे. कुणाला पोहे आवडायचे नाहीत तर कुणाला उपमा.. त्यावर आशुतोष म्हणतो, पण तुला काय आवडतं.. हे ऐकून अरुंधती स्तब्ध होते आणि म्हणते मला कुणी हे विचारलंच नाही. हे ऐकून आशुतोष तिला म्हणतो, 'मग आज दिवसभर तुला काय आवडत तेच आपण करायचं.'

मधुराणी शेअर केलेल्या या व्हिडिओ अनेक नेकरी कमेंट करत आहेत आणि तअरुणशेटी आणि आशुतोषला नव्या प्रवासातही शुभेच्छा देत आहेत. कोणी दोघांच्या लूकचे कौतुक करत आहे. तर कोणी मालिकेने ब्रेक केलेल्या स्टिरिओटाईपविषयी बोलत आहे. या व्हिडिओवर कमेंट करणाऱ्या अनेक स्त्रिया आहेत आणि आशुतोषसारखा जोडीदार मिळावा अशी अपेक्षा करत आहेत.