Bharat Jadhav Big Announcement: रत्नागिरीत पुन्हा शो करणार नाही! भरत जाधव का चिडले?

अमोल कलये

Bharat Jadhav Will Not Perform In Ratnagiri: अभिनेते भरत जाधव चित्रपटांमध्ये काम करत नसले तरी रंगभूमीवर सक्रिय आहेत. रंगभूमीवर काम करता असताना त्यांना एक खूप वाईट अनुभव आला आहे. रत्नागिरीतील नाट्यगृहाची स्थिती चांगली नसल्याने भरत जाधव यांनी नाराजी व्यक्त केली आहे. तसेच त्यांनी रत्नागिरीत पुन्हा पाय ठेवणार नाही असे देखील म्हटले आहे.

काल रत्नागिरीत भरत जाधव यांच्या 'तू तू मी मी' या नाटकाचा प्रयोग होता. दरम्यान भरत जाधव यांचा ज्या नाट्यगृहात प्रयोग होता त्या नाट्यगृहातील एससी आणि साऊंड सिस्टिंम नीट काम करत नसल्याने भरत जाधव नाराज झाले आहेत. (Latest Entertainment News)

भरत जाधव यांनी नाट्यगृहाच्या या दुराव्यास्थेबाबत म्हटले आहे की, 'नाट्यगृहाची अशी अवस्था असेल तर रत्नागिरीत पुन्हा पाय ठेवणार नाही.' एससी नसल्याने काय होतं हे आमच्या भुमिकेतून एकदा तुम्ही पाहा, अशी कळकळीची विनंती भरत जाधव यांनी प्रेक्षकांना केली. नाट्यगृहाची दुरावस्था असताना प्रेक्षक एवढे शांत कसे राहू प्रेक्षकांना शकता. रत्नागिरीत पुन्हा शो करणार नाही, प्रेक्षकांची हात जोडून माफी मागत भारत जाधव यांनी हे जाहीर केले आहे.

भरत जाधव यांचा हा व्हिडिओ व्हायरल झाला आहे. रंगमंचावरून भरत जाधव प्रेक्षकांना एका नटाची व्यस्था सांगत आहेत. नाटासाठी नाटक म्हणजे जीव आणि प्राण असतो. अशावेळी जर नाट्यगृहाची दुरावस्था असेल तर किंवा नट काय बोलतो हे प्रेक्षकांपर्यंत पोचणार नसेल तर साहजिक कलाकारांना नाराज होणार.

नाट्यगृहाची दुरावस्था असलेली ही पहिली घटना नाही. आधी देखील प्रशांत दामले आणि सिबोध भावे यांनी व्हिडिओ शेअर करत नाट्यगृहांची वाईट स्थिती दाखवली होती. तसेच नटाला कशा परिस्थितीत काम करावे लागते हे सांगितले होत. कलाकारांचे दुःख सरकारपर्यंत लवकर पोहचेल अशी अपेक्षा करूया.