मुंबई : बॉलिवूड विश्वातून एक खळबळजनक बातमी समोर आली आहे. अभिनेता सलमान खानचे वकील हस्तीमल सारस्वत यांना धमकीचं पत्र आलं आहे. 'सिद्धू मुसेवालाचे जसे हाल केले तसेच हाल तुझे करू'अशी धमकी या पत्रातून देण्यात आली आहे. लॉरेन्स बिश्नोई गँगकडून हे पत्र आल्यानं एकच खळबळ उडाली आहे. (Salman Khan Latest News)
विशेष बाब म्हणजे काही आठवड्यांपूर्वी सलमान खानलाही अशाच प्रकारचं धमकीचं पत्र आलं होतं. त्यानंतर मुंबई पोलिसांनी सलमान खानच्या सुरक्षेत मोठी वाढ करण्यात आली होती. पुढे या प्रकरणात लॉरेन्स बिश्नोई गॅंगचा सदस्य संतोष जाधव याची या धमकीप्रकरणी चौकशीही करण्यात आली होती. (Salman Khan Death Threat)
दरम्यान, आता सलमान खानच्या वकिलांनाही धमकीचं पत्र आल्याने पोलीस पुन्हा सतर्क झाले आहेत. वकील हस्तीमल सारस्वत यांना आलेलं हे धमकीचं पत्र जोधपूर हायकोर्टाच्या जुबली चेंबरच्या कुंडीत आढळून आल्याची माहिती आहे. या पत्रात लॉरेन्स बिश्नोई गँगकडून धमकावण्यात आल्याचे संकेतही आढळून आले आहेत. (Salman Khan Threat Case - Lawrence Bishnoi Gang)
याबाबतची माहिती पोलिसांना देण्यात आली असून सलमान खानचे वकील हस्तीमल सारस्वत यांच्या सुरक्षेतही वाढ करण्यात आली आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.