CID Producer: टीव्हीवर २० वर्षे गाजलेल्या CID मालिकेच्या निर्मात्याचे निधन; जवळच्या मित्रासाठी शिवाजी साटमची भावनिक पोस्ट

सीआयडी मालिकाचे सहनिर्माते प्रदीप उप्पूर यांचे निधन झाले आहे.
CID Producer Passed Away
CID Producer Passed Away Saam TV

CID Producer Passed Away: भारतीय टीव्ही जगतातील दीर्घकाळ चालणारी मालिका म्हणजे सीआयडी. या मालिकेतील पात्र आजही लक्षात आहेत. या प्रसिद्ध मालिकेतील एका महत्त्वाच्या व्यक्तीचे निधन झाले आहे.

सीआयडी मालिकाचे सहनिर्माते प्रदीप उप्पूर यांचे निधन झाले आहे. त्यांच्या निधनावर अभिनेते शिवाजी साटम यांनीही शोक व्यक्त केला आहे. सोशल मीडियावर पोस्ट करत शिवाजी साटम यांनी मित्र गमवल्याचे दुःख व्यक्त करत मित्रासाठी एक पोस्ट शेअर केली आहे.

CID Producer Passed Away
Urfi Javed Video: उर्फीच्या Dooriyan गाण्याची नेटकऱ्यांमध्ये क्रेझ, ट्रोल करणारे नेटकरी चक्क करत आहेत उर्फीचं कौतुक

प्रदीप उप्पूर कर्करोगाने ग्रस्त होते. निधनाच्या वेळी ते सिंगापूरमध्ये होते. शिवाजी साटम यांनी इन्स्टाग्रामवर प्रदीप यांचा फोटो शेअर केला. तसेच कॅप्शनमध्ये म्हटले आहे की, “प्रदीप उप्पूर, (निर्माता, सीआयडीचा आधारस्तंभ)….. नेहमी हसतमुख राहणार एक जवळचा मित्र, प्रामाणिक आणि स्पष्टवक्ता, मानाने खूप उदार... माझ्या आयुष्यातील एक मोठा आणि सुंदर अध्याय तुझ्या जाण्याने संपत आहे बॉस... लव्ह यू आणि तुझी आठवण येत राहील मित्रा”.

शिवाजी साटम यांच्या या पोस्टवर त्याचे अनेक चाहते आणि सहकलाकार यावर कमेंट करून दुःख व्यक्त करत आहेत.

सीआयडी हा भारतीय टेलिव्हिजनवरील खूप काळ चालणाऱ्या कार्यक्रमांपैकी एक होता. सोनी एंटरटेनमेंटवर प्रसारित झालेल्या या शोची सुरूवात 1998 मध्ये झाली होती. 2018 मध्ये या शोचा शेवटचा भाग प्रसारित झाला.

ACP प्रद्युम्न आणि डॉ. साळुंखे यांच्या व्यतिरिक्त, शोच्या लोकप्रिय पात्रांमध्ये दयानंद शेट्टी यांनी साकारलेला दया आणि आदित्य श्रीवास्तव यांनी साकारलेला अभिजीत ही पात्रे देखील गाजली होती.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com