मुंबई - बॉलिवूड अभिनेत्री दिया मिर्झाच्या (Dia Mirza) कुटुंबावर दु:खाचा डोंगर कोसळला आहे. याबाबद दियाने सोशल मीडियावर माहिती दिली आहे. दिया मिर्झाची भाची आणि काँग्रेस नेते फिरोज खान यांची मुलगी तान्या काकडेचं निधन झालं आहे. दिया मिर्झाने तिच्या पोस्टमध्ये मृत्यूचे कारण सांगितलेले नाही, परंतु तिच्या इन्स्टाग्राम पोस्टवरून असे समजते की ती तिच्या भाचीच्या खूप जवळ होती आणि तिच्या जाण्याने अभिनेत्रीला मोठा धक्का बसला आहे. तान्याच्या निधनानंतर अनेक सेलिब्रिटींनी सोशल मीडियाच्या माध्यमातून तिला श्रद्धांजली वाहिली आहे.
हे देखील पाहा -
दिया मिर्झाने आपल्या भाचीचा एक फोटो सोशल मीडियावर शेअर केला आहे. फोटोमध्ये दियाची भाची हसताना दिसत आहे, तर अभिनेत्रीने कॅप्शनमध्ये एक भावूक पोस्ट सोशल मीडियावर पोस्ट केली आहे.
माझी भाची, माझं बाळ आणि माझं मुल आता या जगातच नाही. तू जिथे कुठे असशील तिथे तुला प्रेम आणि शांती मिळो. तू नेहमीच आम्हाला हसवलंस. तू जिथे असशील तिथे तुझं नाचणं, हसणं आणि गाण्याने आनंद बहरेल. ओम शांती.” असं म्हणत दियाने आपल्या भावनांना वाट मोकळी करून दिली आहे. दियाच्या या पोस्टनंतर अर्जुन रामपाल, गौहर खान, फराह अली खान, रिद्धीमा कपूर यांसारख्या कलाकार मंडळींनी कमेंट केल्या आहेत. या मंडळींनी कमेंट करत दियाच्या भाचीला श्रद्धांजली वाहिली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.