मुंबई : रोजच्या धाकबुकीच्या जीवनामध्ये आपल्या सोबत असंख्य घटना घडत असतात. त्यातील प्रत्येक घटनेतून आपण काही ना काही शिकत असतो. यातील बऱ्याच घटना चांगल्या असतात, ज्या आठवून आपल्या चेहऱ्यावर आपसूकच हसू येत तर काही अशा घटना असतात, ज्याच्यामुळे आपल्या आयुष्यावर फार वाईट प्रभाव पडतो. अशीच एक घटना घडते. अनन्या नावाच्या एका मुलीसोबत. त्यानंतर ती स्वतःला सावरून कशी आपली स्वप्नपूर्ती करते. यावर आधारित 'अनन्या' हा सिनेमा नुकताच प्रदर्शित झाला आहे.
'फुलपाखरू', 'मन उडू उडू झालं' या मालिकांनमधून तसेच 'दादा एक गुड न्यूज आहे' सारख्या नाटकाच्या माध्यमातून प्रेक्षकांच्या मनात घर करणारी अभिनेत्री हृता दुर्गुलेचा शुक्रवारी २२ जुलै रोजी 'अनन्या' हा सिनेमा प्रदर्शित झाला आहे. एव्हरेस्ट एंटरटेनमेंट, ड्रीमव्हीवर एंटरटेनमेंट आणि रवी जाधव फिल्म्स निर्मित 'अनन्या' सिनेमाचे लेखन, दिग्दर्शन प्रताप फड यांनी केले असून योगेश सोमण, सुनील अभ्यंकर, रेणुका दफ्तरदार या जाणत्या मंडळींबरोबरच सुव्रत जोशी, रुचा आपटे या तरुण कलाकारांनी या सिनेमामध्ये व्यक्तिरेखा साकारल्या आहेत. ऋता दुर्गुळेचा हा अभिनेत्री म्हणून पहिलाच चित्रपट आहे. त्याशिवाय महत्त्वाची बाब म्हणजे हा सिनेमा टक्कर रणबीर कपूरच्या 'शमशेरा'शी टक्कर देणार आहे.
एखाद्या वाईट घटनेत जेव्हा आपले दोन्ही हात गमवावे लागतात तेव्हा खचून न जाता आपल्या जिद्दीने ही अनन्या आपल्या सर्व संकटांवर मात करून आपले स्वप्न पूर्ण करण्यासाठी अथक परिश्रम घेते व यशस्वी होते. गमावलेल्या हातांमुळे खचून न जाता आपल्याबाद्दलचा आत्मविश्वास पुन्हा जागा करून आपल्या स्वप्नांचा माग घेणाऱ्या अनन्याची गोष्ट या सिनेमात दाखवली आहे.
उत्तम कॅमेरावर्क, साजेसं आणि नेमकं संगीत, तेवढंच उत्तम एडिटिंग या साऱ्याच तांत्रिक बाबींनी हा सिनेमा उत्तम सजलाय, मात्र त्यात जीव ओतलाय तो कलाकारांच्या अभिनयानं. त्याचबरोबर अनन्याचे हात गायब करायची किमया या चित्रपटात व्हीएफएक्सच्या माध्यमातून अगदी उत्तम प्रकारे दाखवण्यात आली आहे. त्यामुळे हा चित्रपट प्रेक्षकांना अजूनच आपलंस करून घेतो. सिनेमा म्हणून 'अनन्या' तुम्हाला काहीतरी छान, सकारात्मक पाहिल्याचा नक्कीच अनुभव देईल यात शंका नाही
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.