किशोरी शहाणे यांच्या गाडीचा अपघात, समोरून येणाऱ्या ट्रकने दिली धडक

पुणे - ‘गुम है किसी के प्यार में’ या टीव्ही मालिकेत भवानी चव्हाणची भूमिका साकारणाऱ्या लोकप्रिय अभिनेत्री किशोरी शहाणे यांच्या कारचा अपघात (Accident) झाला आहे. पुण्यातील (Pune) मावळ येथे ही घटना घडली आहे. महामार्गावर त्यांची कार एका ट्रकला धडकली. सुदैवाने या अपघातात कुणालाही दुखापत झालेली नाही. या अपघातात कारचे मोठे नुकसान झाले आहे. या अपघाताची माहिती किशोरी शहाणे यांनी सोशल मीडिया पोस्टद्वारे दिली आहे. गाडीची अवस्था पाहून गाडीतील प्रवासी थोडक्यात बचावले असे म्हणता येईल.

किशोरी शहाणे यांनी इंस्टाग्रामवर अपघातग्रस्त कारचे तीन फोटो पोस्ट केले आहे. या अपघातात कारचे नुकसान झाले परंतु देवाच्या आशिर्वादाने आमचा जीव बचावला. मात्र, कारमधील सर्वजण सुखरूप आहे. जाको रखे सैया मार खाके ना कोई…’ या कॅप्शन त्यांनी या पोस्टला दिले आहे.

किशोरी शहाणे या टेलिव्हिजन आणि बॉलीवूडमधील एक प्रसिद्ध व्यक्तिमत्त्व आहे. किशोरी शहाणे गेल्या ३ दशकांपासून मनोरंजन विश्वात सक्रिय आहेत. त्यांनी आतापर्यंत अनेक सुपरहिट प्रोजेक्ट्समध्ये काम केले आहे. ‘गुम है किसी के प्यार में’ या टीव्ही शोमध्ये भवानीची भूमिका साकारणारी अभिनेत्री किशोरी शहाणेला चांगलीच पसंती मिळत आहे. त्यापूर्वी त्या ‘बिग बॉस’च्या घरात देखील दिसल्या होत्या.

Edited By - Shivani Tichkule