मुंबई : रणवीर सिंग(Ranveer Singh) आणि आलिया भट्ट(Alia Bhatt) 'कॉफी विथ करण - सीझन ७'(Koffee With Karan 7) च्या पहिल्या एपिसोडमध्ये दिसणार आहेत. या शोचा पहिला एपिसोड ७ जुलै रोजी संध्याकाळी ७ वाजता दाखवला जाणार आहे. शोचा हा सीझन केवळ डिस्ने प्लस हॉटस्टारवर प्रदर्शित होणार आहे. करणच्या शोच्या या नवीन सीझनची सुरुवात रणवीर आणि आलियाच्या मजेदार एपिसोडने होणार आहे. हे दोघं शोमध्ये मनमोकळेपणाने गप्पा मारताना दिसत आहेत. याची झलक या एपिसोडच्या टीझरमधून पाहायला मिळाली आहे.
'कॉफी विथ करण सीझन ७' मध्ये, करण जोहर आलिया भट्ट आणि रणवीर सिंग यांच्याशी त्यांच्या नातेसंबंधांबद्दल बोलतो. तिघांचेही हे संभाषण खूपच रंजक आहे. आलियाने शोमध्ये कपूर कुटुंबातील तिचा अनुभव सांगितला आहे.
कपूर कुटुंबातील सदस्य झाल्याबद्दल आपले मत मांडताना आलिया भट्ट म्हणाली, 'मी माझी आई, माझी बहीण आणि माझे वडील यांच्यासोबतच लहानाची मोठी झाले आहे. आमच्यातील संवाद फार मर्यादित होतो. आम्ही एकमेकांच्या खूप जवळ आहोत, परंतु आमचं मोठं कुटुंब नाही. आम्ही कधीच मोठमोठे उत्सव आणि गेट-टूगेदर साजरे केले नाही. आम्ही सगळे नेहमी आमच्या कामातच व्यग्र असायचो'.
आलिया भट्ट पुढे म्हणाली, 'कपूर कुटुंबात आल्यानंतर मी पाहिले की इथे सर्व जण मिळून सगळ्या गोष्टी करतात. एकत्र जेवण घेतात, एकत्र आरती होते, ही खूप चांगली गोष्ट आहे. मला हळूहळू याची सवय होत आहे.
आलिया भट्टने नुकतेच तिच्या प्रेग्नेंसीची घोषणा करून सर्वांना आश्चर्यचकित केले. आलिया आणि रणबीर लवकरच आई-वडील होणार आहेत. घरातील नव्या पाहुण्याच्या स्वागतासाठी दोघेही उत्सुक आहेत. आलिया सध्या लंडनमध्ये आहे. ती तिथे तिच्या पहिलाच हॉलिवूड प्रोजेक्ट 'हार्ट ऑफ स्टोन'चे शूटिंग करत आहे. यामध्ये 'वंडर वुमन' फेम गॅल गॅडोट तिच्यासोबत या चित्रपटात मुख्य भूमिकेत दिसणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.