Good Bye Release Date : अमिताभ बच्चन 'ब्रह्मास्त्र'नंतर करणार 'गुडबाय';श्रीवल्लीसोबत...

बॉलिवूडचे महानायक बिग बी अर्थात सुपरस्टार अमिताभ बच्चन आता नव्या प्रोजेक्टसाठी काम करणार आहेत. अमिताभ बच्चन यांचा 'गुडबाय' हा सिनेमा लवकरच प्रेक्षकांच्या भेटीला येत आहे.
Amitabh Bachchans movie Goodbye is coming soon
Amitabh Bachchans movie Goodbye is coming soonSaam Tv

मुंबई : बॉलिवूडचे महानायक बिग बी अर्थात सुपरस्टार अमिताभ बच्चन(Amitabh Bachchan) सध्या प्रचंड चर्चेत आहेत. कारणही तसंच आहे. रणबीर कपूर आणि आलिया भट्टची प्रमुख भूमिका असलेल्या 'ब्रह्मास्त्र'(brahmastra) सिनेमातही अमिताभ महत्वाच्या भूमिकेत आहेत. आता ते नव्या प्रोजेक्टसाठी काम करणार आहेत. अमिताभ बच्चन यांचा 'गुडबाय'(Goodbye) हा सिनेमा लवकरच प्रेक्षकांच्या भेटीला येत आहे. या सिनेमाचा पोस्टर रीलीज झाला आहे. हा सिनेमा थिएटरमध्ये कोणत्या तारखेला झळकणार हे सुद्धा जाहीर झालं आहे.

Amitabh Bachchans movie Goodbye is coming soon
Brahmastra : 'ब्रह्मास्त्र'मधील 'केसरिया' घालतोय धुमाकूळ, प्रीतमदा रणबीर-आलियाबद्दल बरंच काही बोलले

अमिताभ बच्चन यांच्या आगामी 'गुडबाय' या सिनेमाची रीलीज डेट समोर आली आहे. निर्मात्यांनी सिनेमाचे पोस्टर रीलीज करून सिनेमातील सर्व कलाकारांची ओळख करून दिली आहे आणि त्याची रीलीज डेट देखील जाहीर केली आहे. सिनेमाच्या नवीन पोस्टरनुसार हा सिनेमा ७ ऑक्टोबर रोजी चित्रपटगृहांमध्ये प्रदर्शित होणार आहे. महत्वाचं म्हणजे, या सिनेमात बिग बी दाक्षिणात्य अभिनेत्री रश्मिका मंदान्नासोबत दिसणार आहेत. या दोघांशिवाय नीना गुप्ता, एली अवराम, सुनील ग्रोव्हर आणि साहिल मेहता हे देखील सिनेमात आहेत.

Amitabh Bachchans movie Goodbye is coming soon
National Film Awards 2022 : राष्ट्रीय पुरस्कार जाहीर झाला, भारावलेली सर्वोत्कृष्ट अभिनेत्री या एका गोष्टीला घाबरली

या सिनेमाचा पोस्टर प्रदर्शित झाला आहे. या पोस्टरमध्ये अमिताभ आणि रश्मिका मंदान्ना स्वेटशर्ट घातलेले, सोफ्यावर एकमेकांच्या शेजारी बसलेले दिसत आहेत. निळ्या रंगाच्या हुडीमध्ये अमिताभ बच्चन रश्मिकाच्या हातातून पॉपकॉर्न घेताना दिसत आहेत. याशिवाय पांढऱ्या सलवारमध्ये जमिनीवर बसलेल्या नीना गुप्ता हसताना दिसत आहेत. सोफ्याच्या मागे भिंतीवर अनेक फोटो फ्रेम्स आहेत. याशिवाय इतर कलाकार नीनासोबत जमिनीवर बसलेले आहेत.

'गुडबाय' हा सिनेमा एक फॅमिली ड्रामा आहे. यात कुटुंब आणि नातेसंबंधांची हृदयस्पर्शी कथा दाखवण्यात आली आहे. विकास बहल दिग्दर्शित हा सिनेमा बालाजी टेलिफिल्म्स आणि रिलायन्स एंटरटेनमेंटच्या बॅनरखाली ७ ऑक्टोबर रोजी प्रदर्शित होणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com