Amruta Khanvilkar Emotional Post: तुम्ही हा पुरस्कार खूप खास बनवला... अमृताच्या गैरहजेरीत आई-बाबांनी स्वीकारला सन्मान, अभिनेत्रीची भावुक पोस्ट

Amruta Khanvilkar Received Dadasaheb Phalke Award: दादासाहेब फाळके फिल्म फाऊंडेशन पुरस्कार सोहळा काल म्हणजे २० मे रोजी पार पडला. या सोहळ्याला अनेक कलाकार उपस्थित होते. परंतु अभिनेत्री अमृता खानविलकरला मात्र या पुरस्कार सोहळ्याला उपस्थित राहता आलं नाही.

अभिनेत्री अमृता खानविलकरला सर्वोकृष्ट अभिनेत्रीचा दादासाहेब फाळके फिल्म फाऊंडेशन पुरस्कार मिळाला आहे. चंद्रमुखी या चित्रपटासाठी अभिनेत्रीला हा सन्मान मिळाला आहे. इतका मोठा सन्मान मिळत असताना अभिनेत्रीला यावेळी उपस्थित राहता आले नाही. अभिनेत्रीने पोस्ट करत याविषयी तिच्या भावना व्यक्त केल्या आहेत. (Latest Entertainment News)

अमृताने तिच्या पोस्टमध्ये लिहिले आहे की, काहींनाच आनंद साजरा करण्याची संधी खूप कमी वेळा मिळते… आणि हे मी नक्कीच सेलिब्रेट करणार आहे. कारण माझ्या लाडक्या पालकांनी पहिल्यांदाच माझ्या वतीने पुरस्कार स्वीकारला आहे. दादासाहेब फाळके पुरस्कार २०२३ मध्ये चंद्रमुखीसाठी मला सर्वोकृष्ट पुरस्कार दिल्याबद्दल खूप खूप धन्यवाद! हा पुरस्कार घेण्यासाठी थँक्यू मम्मा आणि थँक्यू पप्पा… तुम्ही हा पुरस्कार खूप खास बनवला आहे.'

अमृता पुरस्कार सोहळ्याला उपस्थित नसल्याने तिच्या आई-वडिलांनी तिच्यावतीने हा पुरस्कार स्वीकारला आहे. त्यामुळे तिच्यासाठी हा पुरस्कार आणखी खास झाला आहे. तिने तिच्या आई-वडिलांचा या पुरस्कारासोबतच फोटो पोस्ट करून तिचा आनंद व्यक्त केला आहे.

अमृताचा या चित्रपटातील सहकलाकार आदिनाथ कोठारेला देखील सर्वोकृष्ट अभिनेत्याचा पुरस्कार मिळाला आहे.

Dadasaheb Phalke Film Foundation Awards 2023 मुंबईतील मुकेश पटेल सभागृहात २० मे रोजी पार पडला. 'दादासाहेब फाळके फिल्म फाउंडेशन' पुरस्कार सोहळ्यामध्ये बॉलिवूडचे अनेक सेलिब्रिटी सहभागी झाले होते. दादासाहेब फाळके फिल्म फाउंडेशन अवॉर्ड्स हा मानाचा पुरस्कार म्हणून ओळखला जातो.