National Film Awards 2022 : राष्ट्रीय पुरस्कार जाहीर झाला, भारावलेली सर्वोत्कृष्ट अभिनेत्री या एका गोष्टीला घाबरली

राष्ट्रीय चित्रपट पुरस्कार २०२२ ची काल, शुक्रवारी घोषणा करण्यात आली. या कार्यक्रमात सर्वोत्कृष्ट अभिनेत्यापासून ते गायकापर्यंत पुरस्कार देण्यात आले आहे.
Aparna Balamurali
Aparna Balamurali Saam Tv

मुंबई : राष्ट्रीय चित्रपट पुरस्कार २०२२ (National Film Awards 2022) ची काल, शुक्रवारी घोषणा करण्यात आली. या कार्यक्रमात सर्वोत्कृष्ट अभिनेत्यापासून ते गायकापर्यंत पुरस्कार देण्यात आले आहे. सुधा कोंगारा दिग्दर्शित 'सूरराई पोत्रू' या तमिळ चित्रपटातील अभिनेत्री अपर्णा बालमुरली(Aparna Balamurali) हिला सर्वोत्कृष्ट अभिनेत्रीचा पुरस्कार जाहीर झाला. त्यावेळी अभिनेत्री अपर्णा पोल्लाचीमध्ये शूटिंग करत होती. पुरस्कार जाहीर झाल्यानं अपर्णा भारावली होती, पण तिची पहिली प्रतिक्रिया घेण्यासाठी आलेला मीडियाचा मोठा ताफा बघून अपर्णा प्रचंड घाबरली होती.

Aparna Balamurali
Shamshera Box Office Collection Day : बिग बजेट 'शमशेरा'ची चर्चा खूप; पण कमाईच्या बाबतीत गटांगळ्या

अपर्णा म्हणाली, 'तुमचे इथे येणे व्यर्थ जाणार नाही ना, याची मला काळजी वाटत होती. पण आता मला भीती वाटत नाही. मी या एवढ्या मोठ्या पुरस्काराने भारावून गेले आहे. मी या पुरस्काराचे श्रेय चित्रपटाच्या दिग्दर्शिका सुधा कोंगारा यांना देते. ज्या माझ्या पाठीशी खंबीरपणे उभ्या होत्या आणि मला या चित्रपटात उत्तम प्रकारे काम करण्यासाठी प्रत्येक क्षणी साथ दिली'.

Aparna Balamurali
टीव्ही इंडस्ट्रीला आणखी एक मोठा धक्का; 'भाभीजी घर पर है' फेम अभिनेत्याचे निधन

अपर्णा पुढे म्हणाली, 'कोविड काळात हा चित्रपट प्रदर्शित झाला होता. त्यामुळे आम्हाला अपेक्षित होतं तसं हा चित्रपट प्रदर्शित झाला नव्हता. पण आता मला याचं वाईट वाटत नाही. मी खरोखर खूप एक्साइट झाले आहे. मला माझ्या भावना व्यक्त करता येत नाहीत'.

२६ वर्षीय अपर्णा ही मूळची त्रिशूरची आहे. तिने वयाच्या १८ व्या वर्षी 'यात्रा थुडारुन्नू' या मल्याळी चित्रपटातून अभिनयाला सुरुवात केली. २०१५ मध्ये, 'ओरू सेकंड क्लास यात्रा' हा चित्रपटात तिने मुख्य भूमिका साकारली होती. परंतु २०१६ मध्ये आलेल्या 'महेशिंते प्रतिकारम' चित्रपटामुळे ती प्रसिद्धीच्या झोतात आली. तिने "ओरू मुथास्सी गडा" या कॉमेडी चित्रपटातही काम केले. याशिवाय तिने संगीत क्षेत्रातही करीअर केले. अपर्णाने 'मौनंगल मिंदुमोरी', 'थेनल निलाविंटे', 'थंथेन' अशी प्रसिद्ध गाणी गायली आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com