सोलापूर : सैराट आणि फॅन्ड्री चित्रपटाने सिनेरसिकांना वेड लावणारे दिग्दर्शक म्हणजे नागराज पोपटराव मंजुळे यांचा बहुचर्चित चित्रपट 'झुंड' (Jhund) आज सिनेमागृहामध्ये प्रदर्शित झाला असून या चित्रपटाला उस्फुर्त प्रतिसाद मिळत आहे. मराठी चित्रपट सिनेसृष्टीला आपल्या सिनेमांचे वेड लावणारे नागराज ( Nagraj Manjule) आता बॉलिवूडलाही (Bollywood) वेड लावण्यासाठी सज्ज झाले आहेत. तर मंजुळेंच्या चित्रपटाचे आमिर खानने देखील तोंड भरुन कौतुक केलं आहे.
अशातच आता सोलापुरातील (Solapur) नागराजच्या चाहत्यांनी तर हा सिनेमा डोक्यावर घेतला आहे. या चाहत्यांनी थिएटर बाहेर चक्क नागराज आणि महानायक अमिताभ बच्चन (Amitabh Bachchan) यांचे भले मोठे फ्लेक्स लावून 'झुंड' अक्षरशः साजरा केल्याचं चित्र पहायला मिळत आहे. भारतीय चित्रपट इतिहासात पहिल्यांदाच एका दिग्दर्शकाचे सिनेमागृहाच्या बाहेर फ्लेक्स लागले आहेत. सोलापुरातील इस्केवअर थेटरच्या बाहेर हे फ्लेक्स लावण्यात आले आहेत.
25 फूट उंच आणि 8 फूट रुंद फ्लेक्स
नागराज मंजुळे जेंव्हा सिनेमा पाहण्यासाठी सोलापुरात यायचा तेंव्हा यल्लादसी हे कलाकार बॉलिवुड अभिनेत्यांचे असे फ्लेक्स बनवून लावायचे. आता यल्लादासी यांचे सुपुत्र श्रीनिवास यल्लादसी यांनीच नागराज अण्णाचे फ्लेक्स बनवले आहेत. 25 फूट उंच आणि 8 फूट रुंद असे हे फ्लेक्स आहेत. सोलापूर शहरातील मुख्य चौकातच हे फ्लेक्स लागले असल्याने नागराज अण्णाच्या चाहत्यांसाठी हे फ्लेक्स एक आकर्षनाच केंद्र बनलं आहे.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
