MC Stan And Shiv Thakare Friendship: 'बिग बॉस १६' च्या विजेत्याची (Bigg Boss 16 Finalist) ची घोषणा होताच नक्कीच सर्वांना आश्चर्याचा धक्का बसला होता. 'बिग बॉस'च्या सोळाव्या सीझनचा विजेता MC स्टॅन ठरला आहे. या सीझनमध्ये दोन पक्के मित्र एकमेकांच्या समोर विरोधी स्पर्धक म्हणून उभे ठाकले होते. MC स्टॅन आणि शिव ठाकरे या दोघांमध्येही यावेळी चुरशीची लढत झाली होती. या दोघांच्याही मैत्रीची चर्चा सध्या सोशल मीडियावर बरीच होत आहे.
'बिग बॉस'च्या सोळाव्या सीझनमध्ये टॉप ५ मध्ये MC स्टॅन, शिव ठाकरे, प्रियंका चहर चौधरी, शालिन भनौत, अर्चना गौतम होते. यावेळी यांच्यात चांगलीच शेवटच्या क्षणापर्यंत चुरस रंगली होती. फायनलच्या शेवटी MC स्टॅन आणि शिव ठाकरे होते. पक्के मित्र शेवटी फक्त विरोधी स्पर्धक म्हणून उभे होते. या दोघांचीही मैत्री संपूर्ण सीझनमध्ये नेहमीच चर्चेत होती. विशेष म्हणजे या दोघांचीही मैत्री झाल्यापासून त्यांच्यात भांडण किंवा कोणताही वाद कधीच होताना आपण पाहिलेला नाही.
बिग बॉसच्या सुरुवातीलाच शिव आणि स्टेनमध्ये भांडण झाले होते. या भांडणात साजिद खानने मध्यस्थी केली होती. मात्र, यानंतर दोघांमध्ये अशी मैत्री निर्माण झाली, ज्यात लाखो चढ-उतार होऊनही कुठलाही दुरावा आला नाही. किंबहुना शिव अनेकदा स्टेनच्या समर्थनार्थ उभा दिसला. अर्चना गौतमच्या भांडणातही शिव स्टेनची ढाल बनून उभा होता. यांची मैत्री शेवटच्या एपिसोड पर्यंत कायम तशीच राहिली होती.
बिग बॉसच्या घरात अशी अनेक टास्क होते ज्यात या दोघांनाही समोरासमोर यावे लागले होते. असेच एक कार्य म्हणजे थेट प्रेक्षकांना कॅप्टनसाठी स्वतःला मत देण्यास सांगणे. यादरम्यान स्टेन स्टेजवर उभा रहात म्हणतो की, मी त्याच्या मित्रांविरुद्ध बोलणार नाही. शिवाला मते मिळाली तरी खूप आनंद होईल.
साजिद खान शोमध्ये स्पर्धक म्हणून आला, तेव्हा त्याने शिव, स्टेन, सुंबूल तौकीर खान, अब्दुल रोजिक आणि निम्रत कौर यांच्यासोबत एक ग्रुप तयार केला होता. अनेक स्पर्धक सोडून गेले तरी, सर्वांची मैत्री तशीच आहे. एमसी स्टॅनची 'बिग बॉस १६'चा विजेता म्हणून घोषणा झाली तेव्हा, सर्वाधिक आनंद शिवला झाला होता. स्वत:ला स्टॅनचा सर्वात मोठा चाहता असल्याचे शिवने पत्रकार परिषदेत सांगितले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.