बॉलिवूडला (Bollywood) एकापोठापाठ एक धक्के बसत आहे. गुरुवारी बॉलिवूड अभिनेता रिओ कपाडिया (Actor Rio Kapadia) यांचे निधन झाले. या दु:खातून सावरत नाही तोवर बॉलिवूडला आणखी एक धक्का बसला आहे. 'ओह माय गॉड 2' फेम अभिनेता सुनील श्रॉफ यांचे निधन झाले (Sunil Shroff Passed Away) आहे. गेल्या अनेक महिन्यांपासून सुनील श्रॉफ हे आजारी होते. नुकताच प्रेक्षकांच्या भेटीला आलेल्या 'ओह माय गॉड 2' या चित्रपटामध्ये त्यांनी 'खिलाडी' अक्षय कुमारसोबत काम केले होते.
सुनील श्रॉफ यांनी अनेक हिंदी चित्रपटांमध्ये सहाय्यक अभिनेत्याची भूमिका साकारली होती. त्यांनी दिवाना, द्रोह काल, अंधा युद्ध, तथास्तु यासारख्या हिंदी चित्रपटांमध्ये दमदार भूमिका साकारल्या होत्या. त्यांनी मेहनत आणि चिकाटीच्या जोरावर बॉलिवूडमध्ये आपले वेगळं स्थान निर्माण केले होते. त्यांचा सिनेसृष्टीपर्यंचा प्रवास खूपच खडतर होता.
सुनील श्रॉफ यांचे इन्स्टाग्राम अकाऊंट होते. ते सोशल मीडियावर सक्रीय देखील असायचे. इन्स्टावर ते नेहमी पोस्ट करत चाहत्यांच्या संपर्कात राहायचे. काही महिन्यांपूर्वी त्यांनी अभिनेता पंकज त्रिपाठीसोबत फोटो शेअर केला होता. ते नेहमी आपल्या अपकमिंग प्रोजेक्टबाबत इन्स्टा पोस्ट करत चाहत्यांना माहिती द्यायचे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
