अभिनेते सतिश कौशिक एअरलाइनवर भडकले; केले 'हे' गंभीर आरोप

मुंबई : सार्वजनिक वाहनांनी प्रवास करताना अनेकांना कडवट अनुभव येत असतात. तर असेच काही अनुभव कलाकरांनाही येतात. असाच प्रकारचा अनुभव बॉलिवूडमधील ( Bollywood ) निर्मात्याला आला आहे. प्रसिद्ध चित्रपट निर्माते आणि अभिनेते सतीश कौशिक (Satish Kaushik ) यांनी त्यांचा एक विचित्र अनुभव सोशल मीडियावर शेअर केला आहे. चित्रपट निर्माते सतीश कौशिक यांनी एअरलाइनवर ( Airline ) चुकीच्या पद्धतीने पैसे कमावल्याचा आरोप लगावत त्यांच्यावर चांगलेच भडकले आहेत. या आरोपावर त्यांनी तपशीलवार वर्णन करत एक पोस्ट सोशल मीडियावर शेअर केली आहे. (Satish Kaushik Latest News In Marathi )

हे देखील पाहा -

अभिनेते सतीश कौशिक यांनी गो फर्स्ट एरलाइनवर गंभीर आरोप केले आहेत. कौशिक म्हणाले,'गो फर्स्ट एअरलाइनने प्रवाश्यांकडून गैर मार्गातून पैसै लुटण्याचा मार्ग सुरू केला आहे. माझ्या कार्यालयातून (सतीश कौशिक/ अजय राय ) यांनी पहिल्या रांगेतल्या सीट या २५ हजार रुपये देऊन बुक केल्या होत्या. कार्यलयाने त्यासाठी सर्वात आधी पैसे दिले होते. तरीही त्या सीट जुबिन नामक प्रवाश्यांना विकल्या आहे.'

सतिश कौशिक हे या प्रकरानंतर चांगलेच संतापले आहेत. कौशिक पुढे म्हणाले, 'या एअरलाइनचा एका प्रवाशाला त्रास देऊन पैसे कमावण्याचा कोणता मार्ग आहे ?' असा सवाल त्यांनी गो फर्स्ट एअरलाइनला केला आहे. 'माझ्या कार्यलयातील टीमने एअरलाइनशी संपर्क साधून पैसे परत मिळवण्याचा देखील प्रयत्न केला. परंतु त्यावर बोलण्यास एअरलाइनने टाळाटाळ करत पैसे परत देण्यास नकार दिला. खरं तर हा मुद्दा परत पैसे मिळवण्याचा नसून आमचं म्हणणं ऐकण्याचा आहे. या प्रकारानंतर मी फ्लाइट रोखू शकलो असतो,परंतु इतर प्रवाश्यांचा विचार करून फ्लाइट रोखण्याचा प्रकार केला नाही'.

दरम्यान, सतीश कौशिक यांच्यासोबत झालेली घटना त्यांना खूपच त्रास देणारी आहे. त्यांनी पोस्ट केल्यानंतर सोशल मीडियावर चाहत्यांचा पाठिंबा मिळत आहे. सतीश कौशिक हे सिनेसृष्टीत साधे आणि निर्मळ स्वभावासाठी ओळखले जातात. कौशिक यांची रुप की रानी चोरों का राजा, कागज, ढोल आणि तेरे नाम यांसारखे सुपरहिट सिनेमांचे निर्माते आहेत. कौशिक यांच्यासोबत झालेल्या प्रकारानंतर एअरलाइनतर्फे काय कारवाई करण्यात येईल, हे पाहावे लागणार आहे.

Edited By - Vishal Gangurde