मुंबई: सध्या महाराष्ट्रासह मुंबईत (Mumbai) नवरात्रोत्सवात दांडियाचे आयोजन केले जात आहे. मुंबईतील काळाचौकी परिसरात शहीद भगतसिंह मैदानामध्ये भाजपकडून (BJP) मराठी दांडियाचे (Shardiy Navratrotsav) खास आयोजन करण्यात आले. या गरब्यात दररोज कलाकार मंडळी आपली उपस्थिती लावत आहेत. तसेच रविवारी सायंकाळी बॉलिवुड अभिनेता रणवीर सिंहने (Bollywood Actor Ranveer Singh) याठिकाणी हजेरी लावली होती. कोणत्या ना कोणत्या विषयामुळे सोशल मीडियावर रणवीर चर्चेत असतो. सोबतच फिटनेस फंडा आणि प्रत्येक कामातील उत्साहासाठी त्याच्या चाहत्यावर्गात तो लोकप्रिय आहे.
रणवीरच्या काही गाजलेल्या चित्रपटांमध्ये अफाट एनर्जी लावत त्याने खास डान्स केला आहे. त्या डान्सला नेटकऱ्यांसोबत चाहत्यांकडूनही चार चॉंद लावले आहेत. तसेच रॅपरची भूमिका केलेल्या 'गली बॉय' मधील 'अपना टाईम आयेगा' या गाण्यावर लहानग्यांपासून तरुणाईपर्यंत सर्वच थिरकले होते.
या नवरात्रीतील कार्यक्रमात रणवीरने दिलेल्या 'हर हर महादेव, जय शिवाजी' या घोषणांनी मैदान दणाणून सोडले. भाजपा आमदार मिहीर कोटेचा यांनी रणवीर सिंहचं स्वागत करत रणवीरच्या हस्ते विजेत्यांना बक्षीस वितरण करण्यात आले. दरम्यान काळाचौकीत रणवीर पोहोचल्यापासूनचे काही खास फोटो आणि व्हिडिओ सोशल मीडियावर व्हायरल होत आहेत.
काळाचौकीच्या शहीद भगतसिंह मैदानात यंदा भाजपाने मराठी दांडिया महोत्सवाचे आयोजन केले आहे. या कार्यक्रमाला गरबा रसिकांचाही चांगलाच प्रतिसाद मिळत आहे. रणवीरच्या एन्ट्रीवेळी जय श्रीरामचे गाणे लावण्यात आले होते. त्यावेळी रणवीरसोबत तरुणाईही गाण्यावर थिरकली. रणवीरची एक झलक पाहण्यासाठी चाहत्यांनी एकच गर्दी केली होती. रणवीरच्या फुल ऑन एनर्जीने मैदानात वेगळाच उत्साह निर्माण झाला होता.
यावेळी रणवीरने अपना टाईम आयेगा गाणे गायल्यानंतर आमदार मिहीर कोटेचा म्हणाले की, 'अपना टाईम आयेगा नाही तर अपना टाईम आ गया.' राज्यात सत्ता परिवर्तन झाले आहे. राज्याचे उपमुख्यमंत्री देवेंद्र फडणवीसांनी सांगितल्याप्रमाणे, आता प्रत्येक हिंदू सण साजरा होणार म्हणजे होणार असल्याचेही ते म्हणाले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.