Alizeh Agnihotri Entry In Bollywood: अभिनेता सलमान खानच्या कुटुंबातील बरेच कुटुंबीय बॉलिवूड क्षेत्रात आहे. पटकथा लेखन, अभिनय, दिग्दर्शन आणि निर्मितीपासून खान कुटुंबातील एक ना एक सदस्य बॉलिवूडमध्ये सक्रिय आहे. आता या घराण्याची पुढची पिढीही बॉलिवूडमध्ये येण्यासाठी सज्ज झाली आहे. काही दिवसांपूर्वी अरबाज खान आणि मलायका अरोरा यांचा मुलगा अरहानच्या पदार्पणाचीही चर्चा होत होती.
आता पुन्हा एका नवी अभिनेत्री बॉलिवूडमध्ये पदार्पण करणार आहे. ती दुसरी तिसरी कोणी नसून सलमान खानची भाची अलिझेह अग्निहोत्री इंडस्ट्रीत येण्यासाठी सज्ज झाली आहे. अलीझेहच्या पदार्पणाबद्दल खान कुटुंब बरेच उत्सुक आहेत.अलीजेह ही सलमान खानची बहीण अलविरा खान अग्निहोत्री आणि अतुल अग्निहोत्री यांची मुलगी आहे.
अलीझेह अग्निहोत्रीचा डेब्यू चित्रपट गेल्या काही दिवसांपासून चर्चेत होता. मात्र आता अखेर त्याची घोषणा करण्यात आली आहे. अलीझेह राष्ट्रीय पुरस्कार विजेते दिग्दर्शक सौमेंद्र पाधी यांच्या चित्रपटातून पदार्पण करत आहे. मिळालेल्या माहितीनुसार, या चित्रपटाचे कामही सुरू झाले असून चित्रपटाचे नाव अद्याप ठरलेले नाही.
मीडिया रिपोर्टनुसार, अलीझेहचा चित्रपट 2023 मध्ये रिलीज होण्याची शक्यता आहे. अलीझेह अग्निहोत्री 22 वर्षांची आहे. अलीझेहचे वडील अतुल अग्निहोत्री देखील बॉलिवूडमधील प्रसिद्ध अभिनेत्यांपैकी एक आहेत. नाना पाटेकर यांच्यासोबत 'क्रांतीवीर' या चित्रपटात ते मुख्य भूमिकेत होते. तर आई अलविरा खान अग्निहोत्री या चित्रपट निर्मात्या तसेच फॅशन डिझायनर आहेत.
सौमेंद्र पाधी यांनी वेब सीरिज जामतारा 1 आणि 2चे दिग्दर्शन होते. 'बुधिया सिंग: बॉर्न टू रन' या चित्रपटासाठी त्यांना प्रतिष्ठेचा राष्ट्रीय पुरस्कारही मिळाला आहे. अलीझेहबद्दल बोलायचे तर ती बॉलिवूडमध्ये पदार्पण करण्यापूर्वी मॉडेलिंगमध्ये खूप सक्रिय होती. सोशल मीडियावरही ती बरीच सक्रिय असते. अलिझेह अभिनय विश्वात काय चमत्कार करणार हे लवकरच कळेल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.