Shahrukh Khan: काल एअरपोर्टवर शाहरुख सोबत नक्की काय घडलं? वाचा सविस्तर...

शनिवारी सकाळी दुबईतील शारजाह येथे एका बुक लॉंचिंग सोहळ्यावरुन मुंबईत आल्यावर शाहरुखला आणि त्याच्या टीमला रात्री उशिरा सीमाशुल्क विभागाने मुंबई विमानतळावर रोखले, याविषयी एक सर्वात मोठा खुलासा करण्यात आला आहे.
Shah Rukh Khan
Shah Rukh Khan Saam Tv

Shahrukh Khan: शाहरुख खान, त्याची मॅनेजर पूजा ददलानी आणि शाहरुखचा अंगरक्षक रवी सिंग शनिवारी सकाळी दुबईतील शारजाह येथे एका बुक लॉंचिंग सोहळ्यावरुन मुंबईत आल्यावर शाहरुखला आणि त्याच्या टीमला रात्री उशिरा सीमाशुल्क विभागाने मुंबई विमानतळावर रोखले होते. याविषयी एक सर्वात मोठा खुलासा करण्यात आला आहे.

Shah Rukh Khan
Shahrukh Khan: शाहरुख खानला कस्टम अधिकाऱ्यांनी विमानतळावर रोखले, बॅगेत सापडली कोट्यावधींची घड्याळं

मिळालेल्या माहितीनुसार, शाहरुख खानचे लाखो रुपयांचे घड्याळ भारतात आणणे, बॅगेत महागड्या घड्याळांचे रिकामे बॉक्स सापडणे सोबतच कस्टम ड्युटी न भरल्याबद्दल शाहरुख आणि त्याच्या टीमची चौकशी करण्यात आली.

सीमाशुल्क विभागाने या घड्याळांचे मूल्यांकन करत त्यांना कस्टम ड्यु़टी भरण्यास सांगितले होते. शाहरुखच्या टीमकडे सुमारे 18 लाख रुपयांची महागडी घड्याळे होती, जी त्यांनी दुबईमधून खरेदी केली होती.

Shah Rukh Khan
Shahrukh Khan: 'मला घाबरण्याची गरज नाही'; आगामी सिनेमावरून शाहरुख असं का म्हणाला?

आता, सीमाशुल्क विभागातील वरिष्ठ अधिका-याने खुलासा केला आहे की, शाहरुखला आणि त्याच्या टीमला दंड ठोठवण्यात आला नाही. केवळ मूलभूत औपचारिकता पूर्ण करण्यात आली आहे. अधिकाऱ्यांनी एका इंग्रजी वेबसाईटला सांगितले की, 'शाहरुख खान आणि त्याच्या टीमला त्यांच्यासोबत आणल्या जाणाऱ्या वस्तूंसाठी ड्युटी भरण्यास सांगण्यात आले होते. माध्यमांनी दिलेल्या वृत्तानुसार, कोणताही दंड भरण्यास सांगितलेला नाही. या प्रकरणी सोशल मीडियावर जे काही बोलले जात आहे ते सर्व खोटे आहे.

Shah Rukh Khan
Nana Patekar: नाना पाटेकरांचे ओटीटीवर पदार्पण, 'या' प्रसिद्ध दिग्दर्शकांसोबत पुन्हा एकदा दिसणार

शाहरुखचा विश्वासू अंगरक्षक रवी सिंग याला खाजगी GA टर्मिनलवरून T2 टर्मिनलवर का नेण्यात आले याचे स्पष्टीकरण देताना अधिकारी म्हणाले, जेव्हा ड्युटी किंवा इतर कोणतेही शुल्क भरण्याचे प्रकरण असते तेव्हा प्रवाशांना GA टर्मिनलवरून T2 वर नेले जाते.

अधिकाऱ्याने पुढे असेही स्पष्ट केले की, शाहरुखची टीम फक्त ऍपल वॉच आणि वॉच वाइंडर केस (आलिशान घड्याळांसाठी वापरल्या जाणारी एक विशेष बॅग) घेऊन जात होते. सुरुवातीला महागडी घड्याळे नसल्याचे नोंदवले गेले होते. शाहरुखला शारजाहमध्ये मिळालेल्या भेटवस्तूंची किंमत अंदाजे 17.86 लाख रुपये इतकी होती.

Edit By: Chetan Bodke

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com