Ved Teaser Out: रितेश देशमुखच्या 'वेड'चा टीझर प्रदर्शित, टीझर पाहून प्रेक्षकांना लागले चित्रपटाचे वेध

अभिनयासोबतच रितेश देशमुखने या चित्रपटाचे दिग्दर्शन सुद्धा केले आहे.
Ved Marathi Movie Teaser
Ved Marathi Movie TeaserSaam Tv

Riteish-Genelia Movie: रितेश आणि जेनेलिया देशमुख ही सर्वांची लाडकी जोडी आहे. हे दोघेही सोशल मीडियावर सक्रिय आहेत. रितेश आणि जेनेलिया नेहमीच एकमेकांसह फोटो आणि व्हिडिओ शेअर करत असतात. हे जोडपे त्यांच्या वैयक्तिक आयुष्यासह प्रोफेशनल गोष्टी सुद्धा चाहत्यांना सांगत असतात. नुकताच रितेशने त्यांच्या 'वेड' चित्रपटाचे टीझर शेअर केले आहे.

Ved Marathi Movie Teaser
Samantha Ruth Prabhu: समंथा प्रभू रुग्णालयात दाखल? आता अभिनेत्रीच्या मॅनेजरने केला खुलासा

रितेशला आपण अनेकदा विनोदी भूमिकेत पाहिले आहे. परंतु 'वेड' चित्रपटामध्ये रितेश एका वेगळ्या भूमिकेत दिसत आहे. चित्रपटाच्या टीझरची सुरुवातच रितेशच्या आवाजाने होत आहे. टीझरवरून असे लक्षात येते की, रितेश एका प्रेमभंग झालेला प्रियकराचे पात्र साकारत आहे. अभिनयासोबतच रितेश देशमुखने या चित्रपटाचे दिग्दर्शन सुद्धा केले आहे. रितेश दिगदर्शित करत असलेला हा पहिला मराठी चित्रपट आहे. (Riteish Deshmukh)

अभिनेत्री आणि रितेश देशमुखची पत्नी जेनेलिया या चित्रपटाच्या माध्यमातून मराठी चित्रपटसृष्टीत पदापर्ण करत आहे. टीझरमध्ये दाखविण्यात आलेल्या तिच्या भूमिकेवरून अद्याप तिचे पात्र स्पष्ट झालेले नाही. मराठीमध्ये पदार्पण करण्यासोबतच जेनेलियाने या चित्रपटाची निर्मिती देखील केली आहे. जेनेलियाने यापूर्वी हिंदी, तामिळ, तेलगू, कन्नड आणि मल्याळम भाषेतील चित्रपटांमध्ये काम केले आहे.

'वेड' चित्रपटाचे टीझर शेअर करत रितेशने त्याला एक सुंदर कॅप्शन देखील दिले आहे. 'एका नव्या प्रवासाची सुरवात करतो आहे. माझं दिग्दर्शनातलं पहिलं पाऊल. मनात थोडी आतुरता ..थोडी भीती …पण प्रचंड वेड. आशा आहे आपल्याला आवडेल. आशिर्वाद आणि प्रेम असू द्या.' असे रितेशने कॅप्शनमध्ये लिहिले आहे. 'वेड' चित्रपट ३० डिसेंबर रोजी आपल्या सर्वांच्या भेटीला येणार आहे. महाराष्ट्रातील प्रेक्षकांना दिग्दर्शक रितेश देशमुखची कलाकृती नक्कीच आवडेल अशी अपेक्षा करूया. (Movie)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com