Deepika Padukone In Oscar Awards: ऑस्कर २०२३ ला अवघे काही दिवसच उरले आहेत. १३ मार्च २०२३ रोजी ऑस्कर पुरस्कार सोहळा परदेशात पार पडणार आहे. भारतासाठी यावर्षीचा प्रतिष्ठित अवॉर्ड सोहळा खास असणार आहे. ९५ व्या ऑस्कर सोहळ्यात दीपिका पदुकोणवर मोठी जबाबदारी मिळाली आहे. ती सादरकर्त्याची भूमिका साकारणार असून सोहळ्यासाठी नुकतीच दीपिका मुंबईहून ऑस्कर पुरस्कार सोहळ्यासाठी रवाना झाली आहे.
दीपिका पदुकोण मुंबई विमानतळावर ऑस्कर पुरस्कार सोहळ्यासाठी जाताना दिसली. यादरम्यान तिचा बॉसी लूक पाहायला मिळाला. विशेष म्हणजे पती रणवीर सिंग स्वतः दीपिकाला विमानतळावर सोडण्यासाठी आला होता. रणवीरला पाहून 'साथीदार असावा तर असा' असं म्हणत त्याचे कौतुक केले.
नेहमीच रणबीर दीपिकाच्या पाठी उभा असतो, त्यामुळे त्याचे अनेकदा कौतुक होत असते. मात्र, रणवीर गाडीतून बाहेर पडला नाही. पण पापाराझींनी त्याला कारमध्ये पाहिले. यादरम्यान दीपिका पदुकोणने पापाराझींना पोज देत ऑस्करसाठी रवाना झाली.
२०२३ चा हा ऑस्कर सोहळा तीन कारणांमुळे भारतासाठी खास आहे. सर्वप्रथम, RRR मधील नाटू नाटू या गाण्याला नामांकन मिळाले आहे. नाटू नाटू या गाण्याची आंतरराष्ट्रीय पातळीवर चांगलेच चर्चा होत आहे. दुसरी गोष्ट म्हणजे, भारतातील दोन चित्रपटांना फिचर फिल्म्स कॅटेगरीत पुरस्कार मिळाले आहेत.तिसरे आणि महत्त्वाचे कारण म्हणजे दीपिका पदुकोण ऑस्कर पुरस्कार सोहळ्यात प्रस्तुतकर्ता म्हणून सहभागी होणार आहे.
अमेरिकेच्या वेळेनुसार, ऑस्कर पुरस्कार सोहळा १२ मार्च २०२३ रोजी रात्री ८ वाजता पुरस्कार सोहळ्याला सुरुवात होणार आहे. तर भारतातील वेळेनुसार, हा पुरस्कार सोहळा १३ मार्च रोजी सकाळी ५ वाजता भारतीय प्रेक्षक पाहू शकणार आहेत. ऑस्कर रेड कार्पेट प्रेस शो संध्याकाळी 6.30 वाजता सुरू होणार असून, प्रेक्षक Oscars.org, YouTube TV किंवा Disney Plus Hotstar ऑस्कर पुरस्कार सोहळा पाहू शकता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
