करण जोहरला अभिनेत्रीनं रोखठोक शब्दांत सुनावले होते, 'तो' किस्सा अद्याप विसरला नाही!

एकदा करण जोहरच्या होस्टिंगवरून बॉलिवूडच्या दिग्गज अभिनेत्री जया बच्चन यांनी टीका केली होती. ही टीका करण जोहर कधीही विसरू शकत नाही.
Karan Johar Image
Karan Johar Image Saam Tv

मुंबई: बॉलिवूडचा प्रसिद्ध दिग्दर्शक-निर्माता करण जोहर (Karan Johar) अनेकदा अवॉर्ड शो होस्ट करताना दिसतो. चाहते आणि सेलिब्रिटी चित्रपट निर्माता करण जोहरच्या होस्टिंग कौशल्याचं नेहमीच कौतुक करत असतात. पण एकदा त्याच्या होस्टिंगवर बॉलिवूडच्या दिग्गज अभिनेत्री जया बच्चन (Jaya Bachchan) यांनी टीका केली होती. ही टीका करण जोहर कधीही विसरू शकत नाही. नुकत्याच दिलेल्या एका मुलाखतीत त्याने हा किस्सा सांगितला आहे.

Karan Johar Image
Salman Khan : सलमान खानच्या वकिलाला धमकीचं पत्र; लॉरेन्स बिश्नोई गँगकडून पुन्हा धमकी

करण जोहर त्याच्या सेलिब्रिटी चॅट शो 'कॉफी विथ करण'साठी प्रसिद्ध आहे. हा शो ७ जुलैपासून प्रदर्शित होणार आहे. डिस्ने प्लस हॉट स्टारवरील 'कॉफी विथ करण'च्या सातव्या सीझनची आज करण जोहर सुरुवात करणार आहे. करणच्या या प्रसिद्ध चॅट शोच्या पहिल्या एपिसोडमध्ये आलिया भट्ट आणि रणवीर सिंग त्यांच्या 'रॉकी और रानी की प्रेम कहानी' या चित्रपटाच्या प्रोमोशनसाठी येणार आहेत.

Karan Johar Image
Beed : 'रानबाजार' वेबसीरिज वादाच्या भोवऱ्यात; पोलिसांत तक्रार दाखल

एका वृत्तपत्राला दिलेल्या मुलाखतीत, करण जोहरने त्याच्या होस्टिंग कौशल्याबद्दल झालेल्या सर्वात वाईट टीकेबद्दल सांगितले. करण जोहर म्हणाला की, 'मी जेव्हा स्टेजवर असतो तेव्हा माईक असला तरीही मी खूप जोरात बोलतो, असे जया बच्चन मला एकदा म्हणाल्या होत्या. त्यांनी मला विचारलं होतं की, करण तू माईकवर का ओरडतोस? मला नेहमी असं वाटायचं की मी उत्साही दिसत आहे. परंतु त्या मला म्हणाल्या की तुझ्याकडे माइक आहे म्हणूनच तुला बोलत असताना ओरडण्याची गरज नाही.

'कॉफी विथ करण'बद्दल बोलताना करण जोहर म्हणाला की, 'सोशल मीडियावर ट्रोलिंग आणि बॉलिवूड इंडस्ट्रीमध्ये या शोबाबत बरेच वादही झाले आहेत. एक काळ असा होता की सोशल मीडियावर बॉलिवूडबद्दल खूप द्वेष वाढला होता. अशा वेळी 'कॉफी विथ करण' या शोला टार्गेट करण्यात आले. पण मला माहीत होतं की हे ट्रोलिंग काही काळच असेल. म्हणूनच तर, डिस्ने प्लस हॉट स्टारला हा शो पुढे न्यायचा आहे. कलाकारांना या शोमध्ये यायचे आहे. सर्वात महत्त्वाचे म्हणजे, एवढी ट्रोलिंग होऊनही मला हा शो यापुढेही करायचा आहे'.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com