Bollywood Actress :बॉलिवूड अभिनेत्री कंगना रनौत नेहमीच तिच्या वादग्रस्त वक्तव्यांनी चर्चेचा विषय असते. तिने आजवर बॉलिवूडसह राज्याच्या राजकीय घडामोडींवर देखील परखड मत व्यक्त केलं आहे. कंगनाचा हाच डॅशींग अंदाज पाहता ती राजकारणात येणार का? असा प्रश्न आजवर तिच्या अनेक चाहत्यांना पडला आहे. कंगनाने आता याच प्रश्नावर पुन्हा एकदा बिंधास्तपणे उत्तर दिलंय. (Latest Marathi News)
कंगनाने नुकतीच एका चॅनलवर मुलाखत दिली आहे. या मुलाखतीमध्ये तिला राजकारणात प्रवेश करायला आवडेल का? असा प्रश्न विचारण्यात आला. यावर कंगनाने आपल्या शैलीस उत्तर देत म्हटलं आहे की, "मला आधीपासूनच समाजकार्यात रस आहे. त्याचबरोबर मला राजकारणाचीही आवड आहे. त्यामुळे जर कोणत्याही राजकीय पक्षाने मला संधी दिली तर मी नक्कीच राजकारणात प्रवेश करेल.", असं कंगनाने म्हटलं आहे.
उद्धव ठाकरे मुख्यमंत्री असताना कंगनाच्या मुंबईतील मालमत्तेवर महापालिकेकडून कारवाई करण्यात आली होती. त्याचा उल्लेख करत कंगना पुढे म्हणाली की, मी नेहमीच देशाचा विचार करुन माझं मत व्यक्त करते. यात अनेक व्यक्तींना माझं मत खटकतं.
ते मला चुकीचं समजतात. जेव्हा माझ्या मुंबईतील मालमत्तेवर कारवाई झाली तेव्हा सत्ताधाऱ्यांनी आपल्याकडे असलेल्या ताकतीचा चुकीचा वापर केला, असं म्हणत कंगनाने (Kangana) उद्धव ठाकरेंवर निशाणा साधला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.