Preity Zinta: बॉलिवूडची डिंपल गर्ल प्रीती झिंटाने इंडस्ट्रीत आपल्या अभिनयासोबतच सौंदर्यामुळे चाहत्यांना घायाळ केले आहे. प्रीती झिंटाने बॉलिवूडमधील अनेक बड्या कलाकारांसोबत काम केले आहे. 24 वर्षांहून अधिक काळ फिल्म इंडस्ट्रीत काम करणाऱ्या प्रीती झिंटाने आपल्या करिअरमध्ये अनेक यशस्वी चित्रपट दिले आहेत. गेले अनेक वर्ष चित्रपटांपासून दूर राहूनही प्रीती झिंटाची कमाई कोट्यवधींमध्ये आहे. जाणून घेऊया तिच्या नेटवर्थबद्दल.
प्रीती झिंटाने फिल्मी करिअरची सुरुवात मॉडेलिंग, जाहिरात आणि फिल्म्समधून केली होती. मणिरत्नम यांचा 'दिल से' हा तिचा पहिला चित्रपट होता. प्रीती सध्या चित्रपटांपासून दूर आहे. पण ती आयपीएलच्या काळात चर्चेत राहते. प्रीती आयपीएल टीम 'Punjab Kings' संघाची मालकीण आहे.
मीडिया रिपोर्टनुसार, प्रीती झिंटाची एकूण संपत्ती 15 मिलियन डॉलर म्हणजेच 110 कोटी रुपये आहे. प्रिती झिंटाची स्वतःची प्रोडक्शन कंपनी आहे. PZNZ Media असे या कंपनीचे नाव आहे. सोबतच प्रीती झिंटा आयपीएल टीम 'Punjab Kings'ची सहमालक आहे. सरकारला सर्वाधिक कर भरणाऱ्या सेलिब्रिटींमध्ये तिचा आजही समावेश आहे.
प्रीतीची मुख्य कमाई ब्रँड एंडोर्समेंटमधून येते. ती एका जाहिरातीसाठी तब्बल 2 ते 2.5 कोटी रुपये इतके मानधन आकारते. याशिवाय प्रीती चित्रपट निर्मिती असून ती टीव्ही होस्टमधून देखील चांगली कमाई करते. प्रीतीचे वार्षिक उत्पन्न 12 कोटींहून अधिक आहे.
रिपोर्टनुसार, प्रीती झिंटाचे मुंबईत दोन आलिशान बंगले आहेत. प्रीतीचा जन्म शिमल्यात झाला असून तिथे तिचे एक अलिशान घर देखील आहे.कॅलिफोर्नियामध्ये देखील प्रीतीचे घर आहे, तिथे ती तिच्या पतीसोबत स्थित आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
