Richa Chaddha: अभिनेत्री रिचा चड्ढानं भारतीय लष्कराचा अपमान केल्याचा आरोप; आधी 'ते' ट्विट केलं, नंतर मागितली माफी

अभिनेत्री रिचा चढ्ढा नेहमीच सोशल मीडियावर चर्चेत असते. फोटोंमुळं सोशल मीडियावर कायम चर्चा होत असते. आता मात्र, रिचा वादग्रस्त ट्विटमुळं चर्चेत आली आहे.
Richa Chaddha
Richa ChaddhaSaam Tv

Richa Chadha Tweet On Galwan: अभिनेत्री रिचा चढ्ढा नेहमीच सोशल मीडियावर चर्चेत असते. फोटोंमुळं सोशल मीडियावर कायम चर्चा होत असते. आता मात्र, रिचा वादग्रस्त ट्विटमुळं चर्चेत आली आहे. अभिनेत्री रिचानं एक ट्विट केलं आहे. गलवान खोऱ्याबाबत केलेल्या ट्विटमुळं ती टीकेची धनी ठरली आहे. मात्र, टीका झाल्यानंतर रिचानं आता माफी मागितली आहे.

Richa Chaddha
Bigg Boss 16: प्रियांका-अंकितमध्ये कॉफीवरून गरमागरमी, नात्यात दुरावा येईल काय?

भारतीय सेनेचे उत्तरी सीमेकडील लष्कराचे कमांडर लेफ्टनंट जनरल उपेंद्र द्विवेदी यांचे ट्विट रिट्विट करत रिचाने 'गलवान सेज हाय' अशा आशयाची कॅप्शन त्यात पोस्ट केली. रिचा चढ्ढाच्या या ट्विटनंतर सोशल मीडियावर तिच्यावर जोरदार टीका होत आहे.

भाजप नेते मनजिंदर सिंग सिरसा यांनी रिचा चढ्ढाचे ट्विट लाजिरवाणे असल्याचे म्हटले आहे. ते ट्विट लवकरात लवकर मागे घ्यावे, असे त्यांनी म्हटले आहे. हा आपल्या सैन्याचा अपमान आहे, जो योग्य नाही, असेही ते म्हणाले.

मनजिंदर सिंग यांनी एक व्हिडिओ देखील शेअर केला असून ज्यात त्यांनी रिचा चढ्ढाचे वर्णन 3rd Grade अभिनेत्री म्हणून केले आहे. रिचा चढ्ढासारखी 3rd Grade असलेली अभिनेत्री पब्लिसिटी स्टंटसाठी भारतीय लष्कराचा अपमान करत आहे, असे त्यांनी म्हटले आहे.X`

रिचा चढ्ढा कॉंग्रेस पक्षाची समर्थक आहे. त्यामुळे या ट्विटमध्ये तिची भारतविरोधी विचारसरणी स्पष्टपणे दिसत आहे, अशीही टीका केली जात आहे. रिचा चढ्ढाच्‍या या ट्विटनंतर सोशल मीडियावर तिच्यावर सडकून टीका करण्यात येत आहे. गलवान संघर्षात शहीद झालेल्या जवानांच्या बलिदानाचा आणि भारतीय लष्कराचा ती अवमान करत असल्याच्या प्रतिक्रिया अनेक यूजर्सने व्यक्त केली आहे.

Richa Chaddha
Mansi Naik: मानसीच्या पतीने सोशल मीडियावर मनातील खदखद केली व्यक्त; म्हणतो, 'माझ्याबद्दल काय बोलतात...'

काय आहे संपूर्ण प्रकरण?

भारतीय लष्कराचे उत्तरी सीमेकडील लष्कराचे कमांडर लेफ्टनंट जनरल उपेंद्र द्विवेदी यांनी अलीकडेच पाकव्याप्त काश्मीर (पीओके)बाबत मोठे वक्तव्य केले आहे. पीओके लष्कर परत घेण्यास तयार असल्याचे त्यांनी सांगितले होते. केवळ शासनाच्या आदेशाची प्रतीक्षा आहे. रिचाने हे ट्विट रिट्विट करत त्यावर गलवानबाबत कॅप्शन पोस्ट केली. यावरून तिच्यावर टीका होत आहे. आता तिने हे ट्विट डिलिट केल्याचे दिसते.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com