बॉलिवूडसोबत टॉलिवूडला देखील वाटतेय 'ही' भीती, घेतले काही महत्वपूर्ण निर्णय...

मुंबई: सध्या बॉयकॉट ट्रेंडने बॉलिवूडला चांगलेच घेरले आहे. बऱ्याच चित्रपटांनी बॉक्स ऑफिसवर खास कमाई केली नाही. तशीच भीती आता टॉलिवूडला आपल्या चित्रपटांबद्दल वाटत आहे. तेलगू प्रोड्युसर्स काऊंन्सिलने जुलैच्या शेवटच्या आठवड्यात पत्रकार परिषद घेतली. चित्रपटांच्या शूटिंग काही दिवसांसाठी थांबवले जात आहे, असे स्पष्ट केले. बॉक्स ऑफिसवरील चित्रपटांची कमाई पाहता शूटिंग थांबवण्याचा निर्णय घेतला होता.

सध्या बॉक्स ऑफिसवरील 'ब्रम्हास्त्र' चित्रपट कोट्यावधींची कमाई करीत आहे परंतु, काही महिन्यानंतर एक वेगळाच महत्वपूर्ण निर्णय दाक्षिणात्य भारतीय सिनेमासृष्टीने घेतला. यावेळी तमिळ चित्रपट निर्माते सांगतात की, चित्रपट प्रदर्शनाच्या तीन दिवसानंतर चित्रपटाची समिक्षा (Film Review) करावी. कारण लगेचच चित्रपटाची समीक्षा केल्यास चित्रपट बॉक्स ऑफिसवर चांगली कमाई करत नाही. प्रेक्षकांच्या मनात चित्रपटाची वेगळी प्रतिमा तयार होते. त्यामुळे बॉलिवूडची स्थिती पाहता टॉलिवूडने हा चांगला निर्णय घेतला आहे.

तसेच तमिळ फिल्म प्रोड्युसर्स काऊंन्सिलने चित्रपट प्रदर्शनानंतर समीक्षा करावी हा निर्णय घेतल्यानंतर, निर्मात्यांच्या मते चित्रपट प्रदर्शनानंतर सोशल मीडियावर चित्रपटांबद्दल निर्णय घेत प्रेक्षकांना या गृहितकांची जाणीव होते. तसेच चित्रपटाच्या कमाईवर परिणाम होतो. याचा फटका अनेक चित्रपटांना बसतो, ते फ्लॉप होतात. याच भितीने निर्माते आणि दिग्दर्शकांनी चित्रपट प्रदर्शनानंतरच समीक्षा करण्याचा निर्णय घेतला आहे. सोबतच प्रदर्शित होणाऱ्या चित्रपटातील कलाकारांनी माध्यमांना मुलाखतही द्यायची नाही कारण, मीडिया कलाकारांच्या बोलण्याचा फायदा घेत खोट्या बातम्या पसरवतात.

या निर्णयांसोबतच थिएटर मालकांकडे अशी विनंती करण्यात आली की, चित्रपटाच्या पहिल्या दिवशी शोच्या वेळी सिनेमागृहात अथवा मल्टिप्लेक्समध्ये युट्युबरला प्रवेश देऊ नये. यामुळेही ग्राहकांवर प्रभाव पडू शकतो.