Anushka Sharma: अन्विता दत्ता गुप्तान दिग्दर्शित काला चित्रपट सध्या बराच प्रकाशझोतात आहे. दिवंगत बॉलिवूड अभिनेता इरफान खानचा मुलगा बाबिल खान या चित्रपटातून अभिनय क्षेत्रात पदार्पण करीत आहे. बाबिलसोबत चित्रपटात मुख्य भूमिकेत तृप्ती डिमरीनही प्रमुख भूमिकेत आहे. सध्या या चित्रपटातील व्हिडीओ सोशल मीडियावर बराच ट्रेंड होत आहे. या ट्रेंड होत असलेल्या व्हिडीओत बॉलिवूड अभिनेत्री अनुष्का शर्मा दिसत आहे.
तब्बल ४ वर्षांनंतर अनुष्का शर्मा चित्रपटात दिसल्याने तिचे चाहते बरेच खुश झाले आहेत. तिने सोशल मीडियावर काला चित्रपटातील 'घोडे पे सवार' या गाण्यावर व्हिडीओ शेअर केला आहे. अनुष्काच्या या व्हिडीओने रेट्रो लूकने सर्व नेटकऱ्यांचे लक्ष आपल्याकडे वेधून घेतले आहे. तिने या चित्रपटात एक छोटी भूमिका साकारली आहे. अनेक वर्षांनी अनुष्का चित्रपटात दिसल्याने तिच्या चाहत्यांच्या चेहऱ्यावर वेगळाच आनंद दिसून येत आहे.
नेटकऱ्याने अनुष्काचा हा व्हिडिओ शेअर करत कॅप्शनमध्ये लिहीले की, 'अनुष्काला चार वर्षांनंतर मोठ्या पडद्यावर पाहण्याचा वेगळाच आनंद आहे.' तर आणखी एकाने लिहिले की, 'अनुष्का फक्त अभिनयातच माहिर नाही तर वेगवेगळ्या गोष्टीतही बरीच माहिर आहे. ती मोठ्या पडद्यावर कधी येणार याचीच आम्ही वाट पाहत होतो. अखेर ती आली याचा आनंद आहे.'
गेल्या काही दिवसांपूर्वी अनुष्का तिच्या एका आगामी चित्रपटामुळे ती चर्चेत आली होती. तीचा मैदानावरील बॉलिंग करताना लूक बराच चर्चेचा विषय ठरला होता. सध्या या चित्रपटाची शूटिंग सुरु असून लवकरच चित्रपट प्रदर्शित होणार आहे. चित्रपटाचे नाव 'छकडा एक्सप्रेस' आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.