Riteish Deshmukh Tweet : 'इंडिया विरुद्ध भारत'च्या वादावर रितेशनं घेतला पोल, कौल दिला वेगळाच...

India Vs Bharat Controversy: अभिनेता रितेश देशमुखने (Actor Riteish Deshmukh) इंडिया विरुद्ध भारतच्या वादावर सोशल मीडिया प्लॅटफॉर्म एक्सवर पोल घेतला आहे.
Riteish Deshmukh Tweet On India Vs Bharat
Riteish Deshmukh Tweet On India Vs BharatSaam tv

Riteish Deshmukh Tweet On India Vs Bharat:

सध्या देशामध्ये 'इंडिया विरुद्ध भारत'वरून (India Vs Bharat) जोरदार वाद सुरु आहे. सोशल मीडियापासून (Social Media) ते सर्वसामान्यांपर्यंत याच मुद्द्यावरून चर्चा सुरु आहे. अनेकांनी भारत नाव असावे असे मत मांडले आहे तर काहींनी इंडिया नावाला पाठिंबा दिला आहे. या वादादरम्यान बॉलिवूडच्या अनेक सेलिब्रिटींनी उडी मारत काहींनी भारत नावाला पाठिंबा दिला. अशामध्ये आता बॉलिवूड (Bollywood) आणि मराठी चित्रपटसृष्टीचा अभिनेता रितेश देशमुखने (Actor Riteish Deshmukh) इंडिया विरुद्ध भारतच्या वादावर सोशल मीडिया प्लॅटफॉर्म एक्सवर पोल घेतला आहे.

Riteish Deshmukh Tweet On India Vs Bharat
Swapnil Joshi Video: '...असं स्वागत व्हायला भाग्य लागतं', मायदेशी येताच मुलांनी केलेलं स्वागत पाहून भावुक झाला स्वप्निल जोशी, VIDEO केला शेअर

रितेश देशमुखने आज साडेबाराच्या सुमारास एक्स म्हणजे ट्विटरवर एक पोस्ट केली आहे. या पोस्टमध्ये त्याने इंडिया विरुद्ध भारतच्या वादावर 'तुम्हाला काय वाटतं?' असा प्रश्न करत पोल घेतला आहे. यामध्ये त्याने 'भारत', 'इंडिया', 'हिंदुस्थान' आणि शेवटचा 'सगळे सारखेच आहे' असे चार पर्याय दिले आहे. रितेशने दिलेल्या या पोलला अनेकांनी वोट केले आहे.

Riteish Deshmukh Tweet On India Vs Bharat
Spruha Joshi Video: 'पापा केहेते है बडा नाम करेगी...', खेकडा खायला शिकवणाऱ्या स्पृहा जोशीची नेटकऱ्यांनी घेतली शाळा

रितेशच्या या पोलला २४ तासांसाठी वोट करण्यात येणार आहे. आतापर्यंत या पोलला ३५ हजार ७०७ लोकांनी वोट केलं आहे. यापैकी भारतला २९.६ टक्के लोकांनी वोट केलं आहे. इंडियाला २३.७ टक्के लोकांनी वोट केलं आहे. हिदुस्थानला ४.२ टक्के लोकांनी वोट केलं आहे. तर सगळे सारखेच या पर्यायाला ४२.५ टक्के लोकांनी वोट केलं आहे. आता पुढच्या काही तासांमध्ये आणखी काही लोकांनी कोणत्या पर्यायाला वोट केलं आहे हे समोर येईल.

Riteish Deshmukh Tweet On India Vs Bharat
Welcome 3 Teaser: अक्षय कुमारने स्वतःसह चाहत्यांना दिले खास गिफ्ट; 'वेलकम 3'चा टीझर केला शेअर

दरम्यान, बॉलिवूड अभिनेता जॅकी श्रॉफ यांनी इंडिया विरुद्ध भारतवर आपले मत व्यक्त केले आहे. त्यांनी सांगितले की, 'जर भारताला भारत म्हटले जात असेल तर ती वाईट गोष्ट नाही. पूर्वी आपल्या देशाला भारत म्हटले जायचे ना. माझे नाव जॅकी आहे, काही मला जॉकी म्हणतात तर काही मला जाकी म्हणतात. लोकं माझं नाव बदलतात यामुळे मी नाहीना बदलणार. फक्त नाव बदलले. आपण बदलत नाही. तुम्ही लोकं देशाचे नाव बदलत राहता. पण हे नका विसरु की आपण भारतीय आहोत.' कंगना रनौतने देखील ट्वीट करत भारत नावाला पाठिंबा दर्शवला होता. तर दुसरीकडे अमिताभ बच्चन यांनी 'भारत माता की जय...' असे ट्वीट केले होते.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com