Alia Bhatt : मी ब्रा लपवून का ठेवू?; 'ट्रोल'धाडीवर आलिया भट्टनं ट्रोलर्सवर काढला राग

बॉलिवूड अभिनेत्री आलिया भट्ट सध्या प्रेग्नंसीमुळं प्रचंड चर्चेत आहे.
Alia Bhatt
Alia BhattSaam Tv

मुंबई: बॉलिवूड अभिनेत्री आलिया भट्ट (Alia Bhatt) सध्या प्रेग्नंसीमुळं प्रचंड चर्चेत आहे. सध्या ती 'डार्लिंग' चित्रपटामुळंही चर्चेत असून, स्वतः ती खूप मेहनत घेत आहे. डार्लिंग्ज हा चित्रपट याच महिन्याच्या ५ तारखेला नेटफ्लिक्सवर रीलीज होत आहे. पण प्रदर्शनापूर्वी आलिया भट्ट ठिकाठिकाणी जाऊन आपल्या चित्रपटाचं प्रमोशन करत असते. त्याचवेळी आलियानं एक मुलाखतीदरम्यान आपली 'मन की बात' केली. तिचा हा चित्रपट महिलांचं दुःख कशाप्रकारे मांडणार आहे, हे ती सांगण्याचा प्रयत्न करतेय. समाजात महिलांना खूप दबून राहावं लागतेय, असं ती म्हणाली.

आलिया भट्ट (Alia Bhatt) ही सध्या तिच्या डार्लिंग्ज (Darlings) चित्रपटाचं जोरदार प्रमोशन करत आहे. अलीकडेच आलियानं एका मुलाखतीत आक्षेपार्ह टिप्पणीवर आपलं मत खुलेपणानं मांडलं. महिलांनी कसं राहायला हवं याचे सल्ले दिले जातात. समाजात महिलांना कशा प्रकारे चुकीच्या गोष्टींचा सामना करावा लागतो आणि इंडस्ट्रीतही सेक्सिज्म आहे, असंही ती म्हणाली.

Alia Bhatt
Kaun Banega Crorepati: आमिर खानची केबीसी शोच्या प्रमोशनमधून माघार, अमिताभ बच्चनने उडविली खिल्ली

महिलांना त्यांच्या ब्रा लपवायला सांगतात त्यावेळी राग येतो, अशा शब्दांत तिनं आपला संताप व्यक्त केला. ब्रा का लपवायला हवी? तेही कपडे आहेतच ना? पण पुरुषांना त्यांचे अंडरगारमेंट लपवावे लागत नाहीत. मला अनेकदा आक्षेपार्ह टिप्पणीचा सामना करावा लागला आहे. पण मी त्याकडे दुर्लक्ष केले, असेही ती म्हणाली.

Alia Bhatt
वरुण धवनला 'अशा' फिल्ममध्ये करायचे काम, स्वतःच त्याने व्यक्त केली इच्छा

आता मी आक्षेपार्ह कमेंटबाबत खूप विचार करते आणि या मुद्द्यावर मी जागरूक राहते. आता मला समजू लागलं की ती एक सेक्सिस्ट कमेंट होती. याबाबत मला माझे मित्र वारंवार सांगतात. तू इतकी सेन्सिटिव्ह होऊ नकोस असे ते म्हणतात. तुला पीरियड्स आलेत का? असं विचारलं जातं तेव्हा मी संवेदनशील नाही असे मी आता सांगते. महिलांना पीरियड्स येतात म्हणून तर तुम्ही जन्माला आलात ना? असा रोखठोक प्रश्न तिनं ट्रोलर्सना विचारला.

दरम्यानस, आलिया भट्ट सध्या 'डार्लिंग्ज' या चित्रपटाच्या प्रमोशनमध्ये व्यग्र आहे. हॉलिवूडमधील डेब्यू फिल्मशिवाय ती रणवीर सिंहसोबत 'रॉकी और रानी की प्रेम कहानी' आणि रणबीर कपूरसोबत ती 'ब्रह्मास्त्र'मध्ये आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com