Priyanka Chopra Took Siddhivinayak Darshan: बॉलिवूड अभिनेत्री प्रियांका चोप्रा आणि लेक मालती सोबत मुंबईतील सिद्धिविनायकाच्या मंदिरात दर्शनासाठी पोहोचली होती. तिचा हा सिद्धिविनायकाच्या मंदिरातील व्हिडिओ सध्या सोशल मीडियावर चांगलाच व्हायरल होत आहे. यावेळी प्रियांका चोप्रा आणि मालतीकडे सर्वांच्याच नजरा खिळल्या होत्या.
प्रियांका चोप्रा सध्या मुंबईत आली आहे. ती नुकतीच नीता मुकेश अंबानी कल्चरल सेंटरच्या कार्यक्रमात देखील सहभागी झाली होती. सोबतच तिची चुलत बहिण परिणीती चोप्राच्या साखरपुड्याची देखील सर्वत्र जोरदार चर्चा सुरु आहे, पण अद्याप तरी, परिणीती आणि राघव यांच्या रिलेशनची माहिती गुलदस्त्यातच आहे.
प्रियांका चोप्रा मुलीसोबत सिद्धिविनायक मंदिरात जातानाच्या व्हिडीओ चांगल्याच व्हायरल झाल्या. त्याचे अनेक फोटो आणि व्हिडिओ सोशल मीडियावर व्हायरल होत आहेत. प्रियांका चोप्राने हलक्या हिरव्या रंगाचा सलवार सूट परिधान केला होता. तर मालतीने पांढऱ्या रंगाचा ड्रेस परिधान केला होता.
प्रियांका चोप्रा आपल्या लाडक्या लेकीला कडेवर घेत सिद्धीविनायकाची पुजा करताना दिसत आहे. त्याचवेळी मंदिरातील पुजारीही त्यांना गंध लावताना दिसत आहेत. प्रियांका चोप्रा देखील फोटोमध्ये गणपती बाप्पासमोर फोटोसाठी पोज देताना दिसत आहे. यावेळी मालतीने देखील गणपती बाप्पाचं दर्शन घेतलं.
प्रियांका चोप्रा 31 मार्च रोजी भारतात आली आहे. अलीकडेच तिच्या ‘सिटाडेल’ या वेबसिरीजचा ट्रेलरही लाँच करण्यात आला. लवकरच प्रियंका ‘जी ले जरा’ या चित्रपटातही दिसणार आहे. तिच्याशिवाय चित्रपटात प्रमुख भूमिकेत आलिया भट्ट आणि कतरिना कैफ यांच्याही महत्त्वाच्या भूमिका आहेत. ‘सिटाडेल’ ही वेबसीरिज येत्या २८ एप्रिल रोजी विविध भाषांमध्ये प्रदर्शित होत आहे.
प्रियांका चोप्राची स्टाईल चाहत्यांना खूप आवडते. अलीकडेच तिने एका मुलाखतीत खुलासा केला होता की ती बॉलिवूडमधील राजकारणाची शिकार झाली आहे. त्यामुळे तिला चित्रपट मिळत नव्हते आणि त्याला अमेरिकेला जावे लागले. दरम्यान, ती आता अनेक हॉलिवूड तसेच बॉलिवूड प्रोजेक्टमध्ये दिसणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
