Sunidhi Chauhan Sing Marathi Title Track: मालिका जशा कथा आणि कलाकारांमुळे ओळखल्या जातात, तशाच त्या त्याच्या शीर्षकगीतामुळे देखील ओळखल्या जातात. आभाळ माया, वादळवाट, या सुखांनो या, कुंकू, उंच माझा झोका, जीव झाला वेडापिसा अशा अनेक मालिकांचे शीर्षकगीत आजही प्रेक्षकांच्या लक्षात आहे. आता मराठी मालिकेतील सुनिधी चौहान शीर्षकगीत गाणार आहे.
वैभव मांगले, सागर देशमुख आणि आभा बोडस अभिनित 'चंद्रविलास' या आगामी मालिकेचे शीर्षकगीत सुप्रसिद्ध पार्श्वगायिका सुनिधी चौहानने गायले आहे. सुनिधीने या आधी मराठी चित्रपटासाठी अनेकदा पार्श्वगायन केलेले आहे.
परंतू 'चंद्रविलास'च्या निमित्ताने सुनिधी प्रथमच मराठी मालिकेसाठी पार्श्वगायन करतेय. अमोल पाठारे यांनी हे गाणे लिहिले आहे. तर प्रणव हरिदास यांनी हे शीर्षकगीत संगीतबद्ध केले आहे.
‘चंद्रविलास’ ही गोष्ट आहे दोनशे वर्षांपूर्वीच्या वास्तूची आणि त्यात अडकलेल्या बाप-लेकीची आहे. अनंत महाजन आणि त्याची मुलगी शर्वरी गावातल्या एका जुन्या वाड्यात जातात आणि तिथे अडकून पडतात. ते दोघं तिथे पोहोचल्यापासून अनाकलनीय घटनांची एक मालिकाच सुरू होते. या घटनांमागे असतो, या वास्तूत गेल्या दोनशे वर्षांपासून वास्तव्याला असलेला एक आत्मा.
त्या आत्म्याला नेमकं काय हवंय, त्यानं कोणत्या उद्देशानं या दोघा बाप लेकीला त्या वाड्यात अडकवून ठेवलंय, त्याचं उद्दिष्ट साध्य करण्यासाठी तो आत्मा कोणकोणत्या गोष्टी घडवून आणणार आहे.
या सगळ्या दरम्यान त्यांना आणखी कोण-कोण भेटणार आहे आणि त्या आत्म्याच्या तावडीतून सुटण्यासाठी त्या दोघांना कोणत्या दिव्यातून जावं लागणार आहे, ह्या सगळ्याचा उलगडा या मालिकेतून होणार आहे.
"चंद्रविलास" एक रहस्यमय भयकथा आहे . २७ मार्चला ही मालिका झी मराठीवर सुरु होणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
