संजय दत्तने 2022 मध्ये पहिल्यांदा दाक्षिणात्य चित्रपटामध्ये काम केले. कन्नड भाषेतील 'केजीएफ चॅप्टर 2' या चित्रपटात संजय दत्तने महत्त्वाची भूमिका साकारली होती. प्रशांत नील दिग्दर्शित या चित्रपटासाठी संजय दत्तला जवळपास 9 कोटी रुपयांचे मानधन मिळाले होते.
2022 मध्ये अजय देवगणचा पहिला तेलगू चित्रपट प्रदर्शित झाला होता. अजय देवगणन काम केलेला पहिला दाक्षिणात्य RRR होता. या चित्रपटाचे दिग्दर्शन एस.एस. राजामौली यांनी केले होते. अजय देवगने या चित्रपटासाठी फक्त 7 दिवस शूट केले होते आणि त्यासाठी त्याला 35 कोटी रुपये मानधन देण्यात आले होते.
2022 मध्ये सलमान खानने 'गॉड फादर' या चित्रपटाद्वारे तेलुगू चित्रपटसृष्टीत प्रवेश केला. मोहन राजा दिग्दर्शित या चित्रपटासाठी सलमान खानला २० कोटी रुपयांची ऑफर देण्यात आल्याचे सांगण्यात येत आहे. पण चित्रपटाचा मुख्य अभिनेता चिरंजीवी हा त्याचा चांगला मित्र आहे. याच कारणामुळे सलमानने फी घेण्यास नकार दिला.
2022 मध्ये ऐश्वर्या रायने मणिरत्नम दिग्दर्शित तमिळ चित्रपट 'पोनियिन सेल्वन-1' काम केले होते. रिपोर्ट्सनुसार, ऐश्वर्या रायला या चित्रपटासाठी जवळपास 10 कोटी रुपयांचे मानधन मिळाले होते.
2022 मध्ये आलिया भट्ट. एस. राजामौली यांच्या 'RRR' चित्रपटात दिसली होती. या चित्रपटासाठी तिने सुमारे 9 कोटी रुपये फी घेतली होती असे म्हटले जाते.
2019 मध्ये प्रदर्शित झालेल्या 'सई रा नरसिम्हा रेड्डी' या तेलगू चित्रपटात अमिताभ बच्चन यांनी महत्त्वाची भूमिका साकारली होती. सुरेंदर रेड्डी दिग्दर्शित या चित्रपटाची फी घेण्यास अमिताभ यांनी नकार दिला होता. नंतर चित्रपटाच्या निर्मात्यांनी अमिताभ यांना 3 कोटी रुपयांचे दागिने भेट दिले होते.
दिग्दर्शक एस. शंकर यांच्या '2.0' या तमिळ चित्रपटात अक्षय कुमारने महत्त्वाची भूमिका साकारली होती. रजनीकांत स्टारर या चित्रपटासाठी अक्षय कुमारने जवळपास 60 कोटी रुपये मानधन घेतले होते. हा चित्रपट 2018 साली प्रदर्शित झाला होता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.