मुंबई: बॉलिवूडचे दिग्गज अभिनेते धर्मेंद्र (Dharmendra) यांना चार दिवसांपूर्वी रुग्णालयात दाखल करण्यात आलं होतं. त्यांना रविवारी रुग्णालयातून सोडण्यात आलं. रुग्णालयातून पूर्ण बरे होऊन आल्यानंतर त्यांनी ट्विटरवर एक व्हिडिओ शेअर केला. रुग्णालयात दाखल करण्याचं कारण त्यांनी आपल्या चाहत्यांना सांगितलं. एक्सरसाइज करताना त्यांच्या पाठीत दुखायला लागलं. त्यानंतर तात्काळ त्यांना रुग्णालयात दाखल करण्यात आलं होतं.
धर्मेंद्र यांनी शेअर केला व्हिडिओ
सूत्रांच्या माहितीनुसार, पाठदुखीमुळं त्यांना नियमित वैद्यकीय तपासणीसाठी मुंबईतील ब्रीच कँडी रुग्णालयात दाखल करण्यात आलं होतं. मात्र, त्यांना आयसीयूमध्ये दाखल करण्यात आलं नव्हतं. चार दिवसांच्या उपचारानंतर ते पूर्णपणे बरे झाले असून, रविवारी त्यांना घरी सोडण्यात आलं. रुग्णालयातून घरी आल्यानंतर त्यांनी ट्विटरवर एक व्हिडिओ पोस्ट करून आपल्याला आलेला अनुभव चाहत्यांसोबत शेअर केला. 'मित्रांनो, पाठदुखीमुळं मला रुग्णालयात दाखल व्हावं लागलं. मागील चार दिवस खूपच त्रास झाला. तुमच्या सर्वांच्या शुभेच्छा आणि आशीर्वादामुळं मी घरी परतलो आहे. काळजी करू नका. यापुढे मी सतर्क राहील,' असं धर्मेंद्र यांनी व्हिडिओच्या माध्यमातून सांगितलं.
८६ वर्षीय धर्मेंद्र हे आरोग्याच्या बाबतीत खूपच सतर्क असतात. नेहमीच व्यायाम करतात. स्विमिंगचीही त्यांना आवड आहे. त्यामुळं ते नेहमीच तंदुरुस्त असतात. रुग्णालयात दाखल होण्यापूर्वी ते चित्रपटाच्या शूटिंगमध्ये व्यग्र होते. धर्मेंद्र हे करण जोहर यांच्या आगामी चित्रपटात दिसणार आहेत. बऱ्याच महिन्यांपासून या चित्रपटाचं शूटिंग सुरू आहे. या चित्रपटात आलिया भट्ट आणि रणवीर सिंह प्रमुख भूमिकेत असतील. तसेच जया बच्चन आणि शबाना आझमी देखील या चित्रपटात खास भूमिका निभावणार आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.