मुंबई: मागील वर्षी मुंबई पोलिसांच्या (Mumbai Police) गुन्हे शाखेने उघडकीस आणलेल्या पॉर्नोग्राफी प्रकरणाच्या तपासामध्ये आता ईडीची (ED) एन्ट्री झाली आहे. या प्रकरणात मनी लॉन्ड्रिंगची (Money laundering) चौकशी आता ईडीकडून केली जाणार आहे. ईडीने अभिनेत्री शिल्पा शेट्टीचा (Shilpa Shetty) पती राज कुंद्रावर गुन्हा दाखल करण्यात आला आहे. यामुळे राज कुंद्राच्या अडचणी वाढल्या आहेत. पॉर्न फिल्मची निर्मिती करुन, त्या मोबाईल अॅपवर अपलोड केल्याप्रकरणी पोलिसांनी (Police) गेल्यावर्षी राज कुंद्राला अटक करण्यात आली होती.
हे देखील पाहा-
यामध्ये कोट्यवधींचा व्यवहार झाल्याचे समोर आले आहे. या व्यवहारांचा आता ईडीकडून तपास केला जाणार आहे. राज कुंद्रावर आरोप आहेत की फेब्रुवारी २०१९ मध्ये कुंद्राने आर्म्स प्राइम मीडिया लिमिटेड नावाची कंपनी स्थापन करण्यात आली होती. आणि हॉटशॉट्स नावाचे अॅप विकसित केले होते. हे हॉटशॉट्स अॅप राज कुंद्राने यूके स्थित फर्म केनरिनला २५ हजार डॉलरमध्ये विकले होते. या कंपनीचे सीईओ प्रदीप बक्षी हे राज कुंद्राचे मेहुणे आहेत.
या हॉटशॉट्स अॅपच्या देखभालीकरिता केनरिन नावाच्या कंपनीने कुंद्राच्या कंपनी विहानशी करार केला होता आणि त्याच देखभालीसाठी विहान कंपनीच्या बँक खात्यात पैशांचा व्यवहार झाल्याचे तपासात उघड झाले आहे. मुंबई पोलिसांनी दिलेल्या माहितीनुसार, हे अॅप्लिकेशन पॉर्न कंटेंट लोकांपर्यंत पोहोचवण्याचे काम करत होते.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
