Indian Army Bollywood Movie: भारतीय लष्कर, नौदल आणि हवाई दल हे शौर्य, गौरव, समर्पण आणि कर्तव्याचे प्रतीक आहे. भारतीय सैन्य आपल्या देशातील कोट्यवधी लोकांच्या जीवनासाठी ढाल म्हणून काम करते आणि देशातील नागरिकांना बाहेरच्या देशातील असलेल्या धोक्यांपासून सुरक्षित ठेवते. लष्कर, नौदल आणि हवाई दलातील निर्भय स्त्री-पुरुष त्यांच्या कुटुंबांपासून दूर राहत, त्यांचा जीव धोक्यात घालतात. जेणेकरून आपल्या मित्र आणि कुटुंबासोबत राहू व्यवस्थित राहू शकू.
भारतीय लष्कर, नौदल आणि हवाई दलावरील चित्रपट नेहमीच आपल्या मनात अभिमानाची भावना निर्माण करत आणि देशभक्ती वाढवतात. आपल्या सैनिकांचे जीवन दाखवण्यासाठी विविध मार्गाने भारतीय चित्रपट बनवले जातात जे आपले प्राण धोक्यात घालून आपले प्राण वाचवतात. येथे भारतीय लष्कर, नौदल आणि हवाई दलावरील काही चित्रपट सांगणार आहे जे आपले शौर्य आणि धैर्य दर्शवतात.
उरी: सर्जिकल स्ट्राइक (URI: The Surgical Strike)
आदित्य धर दिग्दर्शित URI: The Surgical Strike हा भारतीय सैन्यावर विकी कौशल, यामी गौतम, परेश रावल आणि कीर्ती कुल्हारी यांचा चित्रपट आहे. हे भारतीय सैन्याने पीओकेवर केलेल्या सर्जिकल स्ट्राईकवर आधारित चित्रपट आहे. चित्रपट खूपच प्रेरणादायी आहे. विशेषत: विकी कौशलच्या शानदार अभिनयामुळे तो आणखी चांगला झाला आणि “हाऊ द जोश? हाय सर!” या वाक्याने चित्रपटाला वेगळ्याच उंचीवर नेले आहे.
बॉर्डर (Border)
जेपीदत्ता दिग्दर्शित आणि निर्मित बॉर्डर चित्रपट 1971 च्या भारत-पाकिस्तान युद्धावर आधारित एक भारतीय लष्करी चित्रपट आहे. यात 120 भारतीय सैन्याचे जवान एका संपूर्ण रेजिमेंटसह 2500 पाकिस्तानी सैन्याविरुद्ध कसे लढले हे दाखवले आहे. या चित्रपटात सनी देओल, सुनील शेट्टी, अक्षय खन्ना आणि जॅकी श्रॉफ मुख्य भूमिकेत आहेत. या चित्रपटात राजस्थानमधील लोंगेवालाच्या ऐतिहासिक लढाईचे चित्रण करण्यात आले आहे. चित्रपटात विविध देशभक्तीपूर्ण क्षणांचा समावेश आहे.
हॉलिडे अ सोल्जर इज नेवर ऑफ ड्युटी (Holiday: A Soldier Is Never Off Duty)
अक्षय कुमार आणि सोनाक्षी सिन्हा यांची मुख्य भूमिका असलेला हॉलिडे - अ सोल्जर इज नेव्हर ऑफ ड्यूटी हा भारतीय सैन्यातील शूरवीर सैनिकांवर चित्रित करण्यात आलेला चित्रपट आहे. विराट, एक लष्करी अधिकारी आपल्या बौद्धिक कौशल्याचा वापर करून दहशतवाद्यांचा कट हाणून पाडतो, जो मुंबई उद्ध्वस्त करण्याचा कट रचतो. अशी या चित्रपटाची कथा आहे.
मिशन काश्मीर (Mission Kashmir)
मिशन काश्मीर हा विधू विनोद चोप्रा दिग्दर्शित चित्रपट आहे. या कथेत अल्ताफ या मुलाचे आयुष्य दाखवण्यात आले आहे, ज्याच्या आई-वडिलांची हत्या करण्यात आली आहे. नंतर त्याला त्याच पोलिसांनी दत्तक घेतले ज्यांनी त्याच्या आई-वडिलांची हत्या केली. अल्ताफला सत्य सापडल्यावर त्याने त्यांचा बदला घेण्याचे ठरवले.
परमानु: द स्टोरी ऑफ पोखरण (Parmanu: The Story Of Pokhran)
अभिषेक शर्मा दिग्दर्शित, परमानु: द स्टोरी ऑफ पोखरण हा एक बॉलिवूड चित्रपट आहे. चित्रपटात जॉन अब्राहम, डायना पेंटी आणि बोमन इराणी मुख्य भूमिकेत आहेत. परमानु ही एक IAS अधिकारी अश्वंतची कथा आहे. ज्याने अमेरिकन गुप्तचर संस्थांच्या लक्षात न येता पोखरणला भेट देत त्याच्या सहकाऱ्यांसोबत पुन्हा अणुचाचणी करण्याचे ठरवले होते.
गाझी अटॅक (The Ghazi Attack)
हा चित्रपट 1971 च्या भारत-पाकिस्तान युद्धादरम्यान पीएनएस गाझीची कथा सांगणारा हा चित्रपट आहे. एक पाकिस्तानी पाणबुडी गाझी गुप्तपणे विझाग बंदरावर हल्ला करण्याची योजना आखते, त्यासाठी तिला भारतीय पाणबुडीकडे जावे लागते. राणा दग्गुबती, तापसी पन्नू आणि ओम पुरी यांच्या प्रमुख भूमिका असलेला हा चित्रपट भारतीय नौदलातील अधिकाऱ्यांचे महान शौर्य दाखवतो.
रुस्तम (Rustom)
रुस्तम हा टिनू सुरेश देसाई दिग्दर्शित भारतीय नौदलावर आधारित चित्रपट असून त्यात अक्षय कुमार, इलियाना डिक्रूझ, ईशा गुप्ता आणि अर्जुन बाजवा मुख्य भूमिकेत आहेत. या चित्रपटात नौदल अधिकारी रुस्तम पावरीचे जीवन चित्रित करण्यात आले आहे, जो घरी परततो आणि त्याच्या पत्नीचे त्याच्या जवळच्या मित्र विक्रमशी प्रेमसंबंध असल्याचे आणि त्याच्या हत्येचा आरोप असल्याचे समजते.
गुंजन सक्सेना: कारगिल गर्ल (Gunjan Saxena: The Kargil Girl)
करण जोहर, हिरू जोहर आणि अपूर्व मेहता निर्मित या चित्रपटाचे दिग्दर्शन शरण शर्मा यांनी केले असून जान्हवी कपूर, पंकज त्रिपाठी, अंगद बेदी आणि मानव विज यांच्या प्रमुख भूमिका आहेत. फ्लाइट लेफ्टनंट गुंजन सक्सेना यांच्या जीवनावर आधारित हा चित्रपट आहे. ती पहिली भारतीय वायुसेना महिला होती जी कारगिल युद्धात देशाची सेवा करण्यासाठी गेली होती.
भुज: द प्राईड ऑफ इंडिया (Bhuj: The Pride of India)
भुज: द प्राईड ऑफ इंडिया या चित्रपटाचे दिग्दर्शन अभिषेक दुधैया यांनी केले आहे. चित्रपट आयएएफ स्क्वॉड्रन विजय कर्णिक आणि भारतातील भुज विभागातील सुमारे 300 गुजराती महिलांवर आधारित आहे. 1971 च्या भारत-पाकिस्तान युद्धाच्या पार्श्वभूमीवर ही शौर्य, देशभक्ती आणि दृढनिश्चयाची सत्य कथा आहे.
तर, हे भारतीय लष्कर, नौदल आणि हवाई दलावरील चित्रपट आहेत जे देशाला शत्रूंपासून सुरक्षित ठेवण्यासाठी आपल्या सैनिकांनी केलेल्या त्यागांची आठवण करून देते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.