ganesh chaturthi 2022 : पुण्यात मानाच्या गणपतींना कलाकारांनी ढोल-ताशाचा नादात दिला भावपूर्ण निरोप

पुणे : राज्यातील काही प्रमुख शहरांमध्ये आज लाडक्या गणरायाला (Ganeshotav 2022) निरोप देण्यासाठी भाविक सज्ज झाले आहेत. मुंबई, पुणे, नाशिक ई. शहरांमध्ये गणेश मिरवणुकीची चांगलीच धुम पाहायला मिळत आहे. भव्य दिव्य रांगोळी, ढोल ताशे पथक, लाडक्या भक्तांची गर्दी, फुलांचा सडा यामुळे विसर्जनाची शोभा आणखी वाढली.

गेल्या दोन वर्षात कोरोना(Covid) महामारीमुळे सर्वांनीच सण उत्सव अगदी साधेपणाने साजरे केले. थोडक्यात आणि निर्बंधात सर्वसण साजरे करण्यात आले होते. परंतू यावर्षी कोणत्याच गोष्टीची कमी न भासवता, भाविकांनी आपला हात न आखडता आनंद साजरा केला. आज लाडक्या गणरायाला निरोप द्यायला अगदी लहानांपासून अबाल वृद्धांची गर्दी जमली होती. पुण्यातील लाडक्या गणरायाला निरोप देण्यासाठी चांगलीच जय्यत तयारी करण्यात आली आहे.

पुण्यात मानाच्या गणपतीसह इतर मंडळांनी विसर्जन मिरवणुकीची धुमधडाक्यात तयारी केली आहे. विशेष म्हणजे मानाच्या पहिल्या कसबा गणपती मिरवणुकीत कलाकारांचे कलावंत ढोल ताशा पथक सहभागी झाले आहे. यामध्ये अभिनेता सौरभ गोखले, सिद्धार्थ जाधव, आस्ताद काळे, केतन क्षीरसागर, तेजस बर्वे तसेच अभिनेत्री अनुजा साठे, तेजस्विनी पंडित, श्रुती मराठे, स्वप्नाली पाटील, नुपूर दैठणकर, शाश्वती पिंपळीकर, नीता दोंदे सहभागी झाले आहेत. या सर्व कलाकारांनी ढोल-ताशाचा नादात बाप्पाला निरोप दिला.