अफगाणिस्तानमध्ये (Afganistan) तालिबाननं (Taliban) ताबा घेतल्यानंतर अफगाणी नागरिक मोठ्या प्रमाणात पलायन करतायत. अनेक जण दुसऱ्या देशांमध्ये शरणागती आणि आसरा घेण्यासाठी धडपड करतायत. यात बहुसंख्य नागरिक हे मुस्लीम धर्माचे (Muslim Peoples) आहेत. त्यामुळे मुस्लीम धर्मीय देशात मुस्लीम जनताच भयभीत आहे असे चित्र आहे. या सगळ्या परिस्थितीबाबत अभिनेता कमाल खान (Actor Kamal Khan) यानं आपलं मत मांडलंय. (India is the safest country for Muslims said Actor Kamal Khan)
हे देखील पहा -
याबाबत कमाल खानने ट्विट करत लिहीलं की, ''अफगाणिस्तानातील अनेक मुस्लीम त्यांच्या सुरक्षिततेसाठी भारतात प्रवेश करतायत, माझं म्हणणं १००% खरं ठरलं. भारत हा मुस्लीमांसाठी जगातील सर्वात सुरक्षित देश आहे.'' या ट्विटसोबतच त्याने एका वृत्तपत्राचा फोटोही शेयर केला आहे. त्यात त्याने आपल्या मुलांना महत्वाचा सल्ला देत लिहीलं की, ''जगात कुठंही जा, काहीही करा, पण आपलं राष्ट्रीयत्व बदलू नका. कारण, भारत हा जगातील सर्वात चांगला देश आहे. काही भारतीय मुस्लीमांना भारतात असुरक्षित वाटतं कारण त्यांना इतर मु्स्लीम देश पाहिले नाहीत.'' असं कमाल खान म्हणाला आहे.
कमाल खान बॉलिवुडमध्ये फारसं काही करु शकला नाही तरी तो त्याच्या स्वभावामुळे आणि काही ना काही वक्तव्य करत सतत चर्चेत राहण्याचा प्रयत्न करत असतो. २००९ ला बिग बॉसच्या तिसऱ्या सीजनमध्ये तो झळकला होता. या शिवाय त्याचे स्वतःचे यूट्यूब चॅनेल देखील आहे.
Kamaal R Khan - KRK या नावाने त्याचे यूट्यूब चॅनेल असून त्यावर आठ लाखांपेक्षा जास्त सबस्काईबर्स आहेत. या चॅनेलवर तो सिनेमांचे रिव्हीव्यू करत असतो. त्याच्या अजब वक्तव्यांमुळे तो अनेकदा ट्रोलही होत असतो.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.