KL Rahul-Athiya Wedding: के.एल.राहुल-अथिया यांच्या लग्नविधींना सुरूवात, व्हिडिओ झाला व्हायरल...

अथिया आणि राहुलच्या संगीत सोहळ्याचा व्हिडिओ व्हायरल होत आहे.
Athira Shetty and KL Rahul Image
Athira Shetty and KL Rahul ImageSaam Tv

KL Rahul-Athiya Viral Video: भारतीय संघ न्यूझीलंड विरुद्ध क्लीन स्वीप करण्याच्या तयारीत व्यस्त आहे. तर संघाचा स्टार फलंदाज केएल राहुल सध्या त्याच्या लग्नाच्या विधींमध्ये व्यस्त आहे. भारतीय संघाचा फलंदाज आणि हा यष्टिरक्षक बॉलिवूड अभिनेत्री अथिया शेट्टीसोबत लग्नगाठ बांधणार आहे.

मिळालेल्या माहितीनुसार, सोमवारी (23 जानेवारी) अथिया आणि केएल राहुल यांचे लग्न होणार आहे. या लग्नाची सोशल मीडियावर जोरदार चर्चा होत आहे. दरम्यान, अथिया आणि राहुलच्या संगीत सोहळ्याचा व्हिडिओ ट्विटरवर व्हायरल होत आहे.

अथिया ही बॉलिवूडचे ज्येष्ठ अभिनेते सुनील शेट्टी यांची मुलगी आहे. अथिया आणि राहुल गेल्या काही वर्षांपासून एकमेकांना डेट करत आहेत. अनेक कार्यक्रमात दोघेही एकत्र स्पॉट झाले आहेत. त्याचबरोबर अथिया आयपीएल आणि टीम इंडियाच्या मॅचदरम्यान अनेकदा स्टेडियममध्ये दिसली होती.

Athira Shetty and KL Rahul Image
Ved Box Office Update:'वेड'ची चाहत्यांना भूरळ कायम, चौथ्या आठवड्याची दमदार सुरूवात...

खंडाळ्यातील सुनीलच्या आलिशान बंगल्यात राहुल आणि अथियाचे लग्न होणार आहे. या सोहळ्यासाठी फक्त जवळचे मित्र आणि कुटुंबीयांना आमंत्रित करण्यात आले आहे. लग्नात फक्त 100 पाहुणे राहणार आहेत, असे बोलले जात आहे.

23 जानेवारीला अथिया आणि राहुल पारंपरिक पद्धतीने लग्न करणार आहेत. तिथे उपस्थित पापराझींकडून सांगण्यात येत आहे की, 22 जानेवारीच्या रात्री दोघांच्या लग्नाचे संगीत होते, ज्याचा व्हिडिओ सोशल मीडियावर चांगलाच व्हायरल होत आहे. व्हिडिओमध्ये सुनील शेट्टीचे सजवलेले घर दिसत आहे, या घरातून गाण्यांचा आवाज ऐकू येत आहेत. 'अभी तो पार्टी शुरू हुई है' सारख्या गाण्यांचा आवाज स्पष्ट ऐकू येतो. चाहते आता या जोडप्याच्या लग्नाचे फोटो पाहण्यासाठी उत्सुक आहेत.

रविवारी सुनील शेट्टी यांनी त्यांच्या लाडक्या मुलीच्या आणि राहुलच्या लग्नाच्या वृत्ताला दुजोरा दिला होता. या व्हिडिओमध्ये सुनील शेट्टी हात जोडून मीडियाला भेटताना दिसत होते. त्याने मीडियाला वचन दिले की लग्नानंतर ते या जोडप्याला बंगल्यातून बाहेर येऊन पोज द्यायला सांगतील. सुनील म्हणाले, मी उद्या (सोमवारी) मुलांना घेऊन येतो. खूप खूप धन्यवाद.

काही दिवसांपूर्वी सुनील शेट्टी लग्नाच्या बातम्यांचे खंडन करताना दिसत होते. आता मात्र तो उघडपणे लग्नाबद्दल बोलत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com