मुंबई: बॉलिवूडमधील (Bollywood) काही अभिनेत्री सुकेश चंद्रशेखर प्रकरणात चांगल्याच अडकले आहेत. त्यातील एक अभिनेत्री जॅकलिन फर्नांडिस (Jacqueline Fernandez). सुकेश प्रकरणात रोज नवनवे धागेदोरे हातात येत आहेत. त्यात बॉलिवूडच्या एक नाही तर पाच प्रसिद्ध अभिनेत्री सुकेशच्या संपर्कात असल्याचे उघडकीस आले आहे. या प्रकरणात जॅकलिनला आज दिल्ली पोलिसांनी तिसऱ्यांदा आर्थिक गुन्हे शाखेने (Enforcement Directorate) चौकशीकरिता सकाळी ११ वाजता बोलवले आहे. जॅकलिन सुकेशच्या प्रेमात आंधळी झाली होती. तसेच तिला सुकेशसोबत विवाहदेखील करायचा होता.
आज आर्थिक गुन्हे शाखेने जॅकलिनसोबतच फॅशन डिझायनर लीपाक्षीला देखील बोलावले आहे. दोघींचीही कदाचित समोरासमोर एकत्रित चौकशी होण्याची शक्यता वर्तवण्यात येत आहे. सध्याचे वातावरण पाहता नक्कीच सुकेश प्रकरणात जॅकलिनच्या समस्यांमध्ये चांगलीच वाढ होऊ शकते. सोबतच डिझायनर लिपाक्षीला पोलिसांनी समन्स बजावले आहे.
मीडिया रिपोर्टनुसार, सुकेश आणि जॅकलिनची ओळख पिंकी इराणीने करुन दिली होती. नंतर दिल्ली पोलिसांच्या आर्थिक गुन्हे शाखेने जॅकलिन आणि पिंकी इराणी या दोघींचीही समोरासमोर चौकशी केली होती. चौकशी दरम्यान दोघींनीही एकमेकींवर आरोपांच्या फैरी झाडल्या होत्या. त्यामुळे दोघीही चांगल्याच चर्चेत आल्या होत्या. सोबतच चौकशीसाठी अभिनेत्री नोरा फतेहीला देखील बोलवले होते. सुकेशने नोराला महागडे गिफ्ट दिल्याची माहिती मिळाल्यानंतर तिच्या अडचणीत चांगलीच वाढ झाली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.